🌟पुर्णा-नांदेड राष्ट्रीय महामार्गावरील ताडकळस फाट्यावर सकल धनगर समाजाकडून एसटी आरक्षणासाठी भव्य रास्तारोको...!

🌟धनगर समाजाला अनुसूचित जमातीचे जात प्रमाणपत्र देण्याचे शासननिर्णय काढण्याच्या मागणीसाठी प्रशासनाला दिले निवेदन🌟

पुर्णा (दि.२३ सप्टेंबर २०२४) :- राज्यातील धनगर समाजाचा एसटी प्रवर्गात समावेश करुन धनगर समाजाला अनुसूचित जमातीचे प्रमाणपत्र तात्काळ देण्यात यावे या मागणीसाठी राज्यातील धनगर समाज आक्रमक झाला असून आज सोमवार दि.२३ सप्टेंबर रोजी धनगर समाज बांधवांनी राज्यातील परळी वैजनाथ,पंढरपूर,लातूर, नेवासा आदी ठिकाणी आमरण उपोषण सुरू केले असून या आमरण उपोषणाची राज्य सरकारकडून तात्काळ दखल घेण्यात यावी अशी मागणी करत पुर्णा तालुक्यातील सकल धनगर समाज बांधवांनी आज सोमवार २३ सप्टेंबर रोजी ताडकळस फाट्यावर जोरदार रास्ता रोको आंदोलन करीत पुर्णा तहसील प्रशासनाला लेखी स्वरूपात रितसर निवेदन दिले.

महाराष्ट्र राज्यातील धनगर समाजाचा एसटी प्रवर्गात समावेश करुन समस्त धनगर समाज बांधवांना अनुसूचित जमातीचे जात प्रमाणपत्र देण्याचे शासननिर्णय तात्काळ काढण्यात यावे या मागणीसाठी मागील पंधरा दिवसांपासून पंढरपूर,लातुर व नेवास्यात धनगर समाज बांधवांनी आमरण उपोषणाला सुरूवात केली असून शासनाकडून अद्यापही या आमरण उपोषणाची दखल घेण्यात आली नसल्याने सकल धनगर समाजाने या आमरण उपोषणाला पाठिंबा देत अनुसूचित जमाती प्रवर्गाच्या आरक्षणाची अंमलबजावणी तातडीने करावी याकरिता पुर्णा-नांदेड रोड वरील झिरो टी पांईट ते तहसील कार्यालयापर्यंत जोरदार घोषणा देत व काही वेळ रास्ता रोको करुन नंतर मोर्चा काढून तहसील प्रशासनाकडे निवेदन सादर केले या निवेदनावर बहुसंख्य धनगर समाज बांधवांच्या स्वाक्षऱ्या आहेत.

* सकल धनगर समाज बांधवांनी राणी सावरगाव येथे देखील केले रास्ता रोको आंदोलन :-

धनगर समाज बांधवांच्या विविध मागण्यासाठी कृष्णा शिवाजीराव दळणर यांच्या नेतृत्वाखाली राणी सावर गाव येथील घटांग्रा चौकात रास्ता रोको आंदोलन करून गंगाखेड येथे येवून तहसिल कार्यालयात निवेदन सादर करण्यात आले......