🌟मानवत तालुक्यातील कुंभारी तांडा या गावाचे पुनर्वसन झाले घरे नावावर कधी करणार..?

🌟प्रहार जनशक्ती पक्षाचा प्रशासनाला खडा सवाल : तात्काळ घर नाववर केली नाही तर आंदोलनाचाही दिला इशारा🌟

परभणी - सन २००६-०७ मध्ये गोदावरी नदीला आलेल्या पुरामध्ये बाधीत झालेल्या मानवत तालुक्यातील कुंभारी तांडा या गावाचे पुनर्वसन २००८-०९ मध्ये करण्यात आले व २००९ मध्ये पुनर्वसनासाठी बांधलेल्या घराचे हस्तांतरण देखील प्रशासनाच्या वतीने करण्यात आले. परंतू ज्या ७४ कुंटुंबाचे पुनर्वसन करण्यात आले या पुनर्वसनाला १५ वर्ष पूर्ण झाले तरी अद्यापही संबधीत घरे कुटुंबाच्या नावावर करण्यात आलेले नाही ही अत्यंत गंभीर बाब आहे करिता तात्काळ ही घरे पुनर्वसन करण्यात आलेल्या कुटुंबाच्या नावावर करण्यात यावीत व याबाबत नव्याने सातबारा तयार करण्यात यावा या मागणीचे निवेदन प्रहार जनशक्ती पक्षाच्या वतीने जिल्हाधिकाऱ्यांना देण्यात आले. जिल्हाधिकाऱ्यांच्या वतीने उपजिल्हाधिकारी ( पुनर्वसन ) श्रीमती देवकुळे मॅडम यांनी निवेदन स्वीकारले.

पुनर्वसीत करण्यात आलेल्या कुंभारी तांडा गावचा आराखडा (लेआऊट) या आधीच मंजूर झालेला आहे. तसेच आजही पुनर्वसीत करण्यात आलेल्या जागेचा ७/१२ मुळ मालक श्री. बाबुराव गोविंदराव व शासनाच्या नावावर दिसून येत आहे. पुनर्वसीत करण्यात आलेल्या कुंटुंबाच्या नावे तात्काळ ७/१२ होणे अपेक्षीत होते. परंतू मागील १५ वर्षा मध्ये अनेक वेळा पत्र व्यवहार व पाठपुरावा करुनही संबधीत कुंटुबांच्या नावावर घरे न झाल्याने संबंधीत कुटुंब अनेक शासकीय योजनापासून वंचीत राहत आहे.

कुंभारी तांडा ता. मानवत जि. परभणी येथील पुनर्वसीत कुंटुबाच्या नावावर त्यांची घरे तात्काळ करून दयावे. अन्यथा प्रहार जनशक्ती परभणीच्या वतीने पुनर्वसीत कुंटुंबाच्या वतीने मा. तहसिलदार मानवत यांच्या कार्यालयावर भव्य मोर्चा काढण्यात येईल व यावेळी उदभवणाऱ्या कायदा व सुव्यवस्थेचे प्रश्ना बाबत प्रशासन स्वतः जबाबदार असेल याची नोंद घ्यावी असेही या निवेदनात म्हटले आहे. 

निवेदनावर प्रहार जनशक्ती पक्षाचे जिल्हा प्रमुख शिवलिंग बोधने, मानवत तालुकाप्रमुख माणिक राठोड, कृष्णा चव्हाण, सुनील चव्हाण, राहुल चव्हाण, सचिन चव्हाण, अशोक चव्हाण, विजय राठोड, विशाल चव्हाण, विकास खरटे, माणिक राठोड, रवी खरडे, संदीप खरडे, राजेभाऊ खरटे, नागोराव खरटे, अतूभाऊ खरडे यांच्यासह अनेक पुनर्वसित कुटुंबप्रमुखांच्या स्वाक्षऱ्या आहेत.......