🌟परभणी जिल्ह्यातल्या मानवत तालुक्यातील झरी शिवारातील हृदयविदारक घटना : अंगावर वीज कोसोळून दोघांचा मृत्यू....!

🌟मुसळधार पावसामुळे झाडाखाली आसऱ्याला थांबलेल्या दोन तरुण शेतमजूरांचा विज अंगावर कोसळल्याने दुर्दैवी मृत्यू🌟 

परभणी :- परभणी जिल्ह्यातील मानवत तालुक्यातल्या जरी शिवारात काल मंगळवार दि.२४ सप्टेंबर २०२४ रोजी सायंकाळी ०४.३० वाजेच्या सुमारास विजेचा कडकडाट व वादळी वाऱ्यासह सुरु असलेल्या पावसापासून स्वतःचा बचाव करण्यासाठी झाडाखाली थांबलेल्या दोन तरुण शेतमजूरांच्या अंगावर विज कोसळून दुर्दैवी मृत्यू झाला असल्याची हृदयविदारक घटना रात्री उशिरा साडे आठ ते नऊ वाजेच्या सुमारास ग्रामस्थांच्या निदर्शनास आली.

 जिल्ह्यातील मानवत शहर व परिसरात काल मंगळवारी सायंकाळी चारच्या सुमारास वादळी वाऱ्यासह व विजांच्या गडगडाटात मुसळधार पावसाला सुरुवात झाली या पावसात शेतात बैलांना चारापाणी करण्यासाठी गेलेल्या दिगंबर किशोरराव सत्वधर वय २९ वर्षे व संतोष झांबरे वय २८ या दोघे तरुण शेतमजूर आसऱ्या करीता शिवारातीलच बालाजी रुद्रकंठवार यांचे शेतात झाडाखाली थांबले होते त्यावेळी विज कडाडली अन्  त्यांच्या याच झाडासह.त्या दोघांच्या अंगावर कोसळली त्यात दोघांचाही जागीच मृत्यू झाला. 

बैल चारण्यास गेलेले दोघेही परप्रांतीय परत न आल्याने ग्रामस्थांनी रात्री त्यांचा शोध सुरू केला.. तेव्हा  दोघेही  विज कोसोळून  मृत्यू पावल्याचे निदर्शनास आले. या घटनेचे वृत्त समजल्याबरोबर मानवत पोलिस स्थानकातील पोलिस अधिकारी व सहकारी कर्मचारी घटनास्थळी धावून गेले.......