🌟राज्यात एमर्जन्सी चित्रपटा विरोधात सिख समुदाय संतप्त : चित्रपटावर बंदी घालण्याची हुजुरी सिख समुदायाची मागणी....!

🌟नांदेड जिल्हाधिकारी यांच्या मार्फत मुख्यमंत्री एकनाथ शिंदे यांच्याकडे निवेदनाद्वारे मागणी🌟 

नांदेड :- अभिनेत्री कंगना रनौत यांनी निर्देशित केलेला चित्रपट एमर्जन्सी हा चित्रपट देशात लवकर प्रदर्शित होणार आहे. या चित्रपटाचा ट्रेलर पाहता असे निर्देशनास आले की या चित्रपटाच्या माध्यमातुन सिख समाजाला चुकीच्या पध्दतीने दर्शविले जात आहे. संपूर्ण देश-विदेशासह महाराष्ट्र राज्यात देखील या चित्रपटाचा सिख समाजा तर्फे तिव्र विरोध केला जात आहे. 

या चित्रपटाच्या माध्यमातुन सिख समाजाची होणारी बदनामी आम्ही कदापी सहन करणार नाही. तसेच या चित्रपटामुळे देशाचा वातावरण खराब होवुन देशाची एकता व अखंडता बाधीत होण्याची शक्यता नाकारता येत नाही त्यामुळे या चित्रपटावर संपुर्ण महाराष्ट्र राज्यात बंदी घालण्यात यावी अशी मागणी नांदेड येथील हुजुरी सिख समुदायाने नांदेडचे जिल्हाधिकारी यांच्या मार्फत राज्याचे मुख्यमंत्री एकनाथ शिंदे यांच्याकडे दि.३० ऑगस्ट २०२४ रोजी एक निवेदनाद्वारे केली आहे निवेदनात असे ही नमूद करण्यात आले आहे की नांदेड जिल्ह्यातील सर्व चित्रपट गृहांना पत्राद्वारे हा चित्रपट प्रदर्शित करु नये यासाठी तात्काळ उपाययोजना करण्यात यावे असेही म्हटले असून या निवेदनावर राष्ट्रवादी काँग्रेस पार्टी सिख सेलचे राज्यप्रमुख शिख सेल राष्ट्रवादी काँग्रेस पाटीचे स. जरनैलसिंघ गाडीवाले, शिवसेना मा.शहरप्रमुख स.अवतारसिंघ पहरेदार,भाजपा शिख सेलचे अध्यक्ष स.किरपालसिंघ हुजूरिया,स. तेलपालसिंघ खेड,स.मनबिरसिंघ रामगडीया,स.शंकरसिंघ लष्करे, स जसबिरसिंघ धुपिया,स.मनप्रितसिंघ कारागिर,स.कश्मिरसिंघ भटटी, स इंदरसिंघ भटटी, स केरसिंघ होटलवाले, स जसबिरसिंघ कथुरिया आदींच्या स्वाक्षऱ्या आहेत......