🌟“एक पेड मा के नाम” अंतर्गत विशेष कार्यक्रमाचे आयोजन.....!

🌟कृषि शेतकरी कल्यान मंत्रालय नवी दिल्ली आणि कृषि विज्ञान केंद्र परभणीचा संयुक्त उपक्रम🌟

 भारताच्या माननीय पंतप्रधानांनी 5 जून, 2024 रोजी जागतिक पर्यावरण दिनाचे औचित्य साधून आईच्या नावाने “एक पेड मा के नाम” ग्लोबल कॅम्पेन सुरू केली आहे. जागतिक अभियानाचा एक भाग म्हणून, सप्टेंबर 2024 पर्यंत देशभरात 80 कोटी रोपे आणि मार्च 2025 पर्यंत 140 कोटी रोपे लावण्याचा प्रयत्न केला जात असल्याची माहिती पर्यावरण, वन आणि हवामान बदल मंत्रालयाने दिली. पर्यावरण, वन आणि हवामान बदल मंत्रालयाने असोला भाटी वन्यजीव अभयारण्यात 20 जून 2024 रोजी वृक्षारोपणचा उपक्रम सुरु केला, ज्यामध्ये उपस्थित प्रत्येक व्यक्तीने त्यांच्या आईच्या सन्मानार्थ वृक्षारोपण केले.

या मोहिमेचा एक भाग म्हणून कृषि व शेतकरी कल्याण मंत्रालयातर्फे 29 ऑगस्ट रोजी मोहिम राबविण्यात आली. भारत सरकारच्या माननीय कृषिमंत्र्यांच्या उपस्थितीत या कार्यक्रमांतर्गत, मंत्रालय आयएआरआय कॅम्पसमध्ये सुमारे 1 एकर जागेत “मातृ वन” स्थापित करण्यात आले. जिथे माननीय कृषिमंत्री आणि मंत्रालयाचे अधिकारी / कर्मचाऱ्यांनी रोपे लावली. 29 ऑगस्ट 2024 रोजी सकाळी 10.00 वाजता आयएआरआय कॅम्पस, पूसा, नवी दिल्ली येथे संपन्न झालेल्या वृक्षारोपण कार्यक्रमापासुन देशातील डीए अँड एफडब्ल्यु, आयसीएआर संस्था, सीएयु, केव्हीके आणि एसएयूच्या येथील सर्व अधिनस्थ कार्यालयांना देखील त्याच दिवशी आणि त्याच वेळेत आपापल्या ठिकाणी समान वृक्षलागवड कार्यक्रम आयोजित करण्यास सूचित करण्यात आले होते. त्या अनुषंगाने कृषि विज्ञान केंद्र, परभणी येथे वृक्षारोपन कार्यक्रमाचे आयोजन करण्यात आले होते. त्यामध्ये कार्यालयातील उपस्थित सर्व अधिकारी व कर्मचाऱ्यांनी प्रक्षेत्रावर त्यांच्या आईच्या सन्मानार्थ वृक्षारोपन केले

कृषि व शेतकरी कल्याण मंत्रालयांतर्गत 800 हून अधिक संस्था सहभागी होणार असून या कार्यक्रमात 3000 ते 4000 रोपांची लागवड केली जाणार आहे. अभियान ही एक जनचळवळ असून लोक वृक्षारोपण करून आपल्या मातेला आणि पृथ्वीमातेला मान वंदना देत  सहभागी होत आहेत. वृक्षारोपणामुळे सरकारने सुरू केलेले उदिष्ट देखील पूर्ण होते जे पर्यावरणजागरूक जीवनशैलीची एक जनचळवळ आहे. शेतीमध्ये शाश्वत शेती साध्य करण्यासाठी वृक्षलागवड हे महत्वाचे पाऊल आहे. माती, पाण्याची गुणवत्ता सुधारून आणि जैवविविधता वाढवून शेतीची उत्पादकता वाढविण्यास झाडे मदत करतात. लाकूड व बिगर लाकूड उत्पादनातून ही झाडे प्रसिध्दांना अतिरिक्त उत्पन्नाचा स्त्रोत उपलब्ध करून देतात. या अभियानात जमिनीचा ऱ्हास आणि वाळवंटीकरण रोखण्याची आणि ती बदलण्याची अफाट क्षमता असल्याने या माहिमेत जास्तीत जास्त नागरिकांनी सहभागी व्हावे असे आव्हान कृषि विज्ञान केंद्र परभणी यांच्या मार्फत करण्यात येत आहे......