🌟आयुर्वेद महाविद्यालय चिखली येथे राष्ट्रीय ग्रंथपाल दिन तथा एस.आर.रंगनाथन जयंती उत्साहात साजरी....!

🌟यावेळी महाविद्यालयाच्या प्राचार्य डॉ.गुल्हाने यांचे हस्ते एस.आर.रंगनाथन यांचे प्रतिमेचे पूजन करण्यात आले🌟

 ✍️ मोहन चौकेकर 

चिखली :   चिखली येथील सुनिल रामसिंह चुनावाले आयुर्वेद महाविद्यालयात 12 ऑगस्ट राष्ट्रीय ग्रंथपाल दिन तथा एस.आर.रंगनाथन जयंती मोठ्या उत्साहात साजरी करण्यात आली. कार्यक्रमाच्या अध्यक्षस्थानी महाविद्यालयाच्या प्राचार्य डॉ.ज्योत्स्ना गुल्हाने होत्या. महाविद्यालयाच्या प्राचार्य डॉ.गुल्हाने यांचे हस्ते एस.आर.रंगनाथन यांचे प्रतिमेचे पूजन व दीप प्रज्वलन करण्यात आले. यावेळी ग्रंथपाल वैभव भोलाने, सहाय्यक ग्रंथपाल सौ.प्रियंका भोलाने, ग्रंथालय समिती सदस्य प्रा.डॉ.राखी कुलकर्णी, प्रा.डॉ.अरुणा शेळके, तसेच प्रा.डॉ.पायल शेंडे, प्रा.डॉ.धनश्री झाडबुके तसेच विद्यार्थ्यांनी डॉ. एस.आर.रंगनाथन यांच्या प्रतिमेला पुष्प अर्पण करून अभिवादन केले. 

महाविद्यालयाच्या प्राचार्य डॉ. ज्योत्स्ना गुल्हाने यांनी राष्ट्रीय ग्रंथपाल दिनाविषयी आपले मनोगत व्यक्त करताना शिक्षणाला प्रोत्साहन देण्यात आपले ग्रंथालय महत्त्वपूर्ण भूमिका बजावत आहे. डेलनेट डिजिटल लायब्ररी रिसोर्सेस नवी दिल्ली या माहिती व तंत्रज्ञानाच्या साधनांचा वापर करून, हे कार्य अधिक प्रभावी होत आहे. पुस्तक प्रदर्शनी आयोजित करण्याच्या पलीकडे, महाविद्यालयाचे ग्रंथपाल यांनी पारंपारिक ग्रंथालय ते अत्याधुनिक डिजिटल ग्रंथालय सोल 3.0 सॉफ्टवेअरचा वापर करून, विद्यार्थ्यांना काही सेकंदात पुस्तके शोधण्यासाठी सोलचे मोबाईल अँड्रॉइड वेब ओपॅक ॲप, डेलनेट डिजिटल लायब्ररी रिसोर्सेस, नवी दिल्ली तसेच ग्रंथालयाचे योगदान आणि त्याच्या सर्वसमावेशक संसाधने व आधुनिक पायाभूत सुविधा यामुळे एकूणच वाचकांचे समाधान होत आहे. आपले ग्रंथपाल तथा सहाय्यक ग्रंथपाल वाचकांना संदर्भसेवा, निवडक प्रतिलिपी सेवा, वेब ओपेक सेवा, इंटरनेट सेवा तसेच सतत नवीन सेवा देत असल्याचे प्राचार्य यांनी विशद केले. महाविद्यालयाचे ग्रंथपाल वैभव प्र.भोलाने यांनी डॉ.एस.आर.रंगनाथन यांच्या जीवन कार्याविषयी सविस्तर माहिती दिली.12 ऑगस्ट राष्ट्रीय ग्रंथपाल दिन हा दरवर्षी भारतातील ग्रंथालय विज्ञानाचे जनक पद्मश्री डॉ.एस.आर.रंगनाथन यांच्या जयंतीदिनी साजरा केला जातो. १८९२ मध्ये शियाली, मद्रास येथे जन्मलेल्या डॉ.रंगनाथन यांनी त्यांच्या ग्रंथालय विज्ञानाच्या पाच नियमांद्वारे ग्रंथालय व्यवस्थापन आणि वाचक- केंद्रित सेवेत क्रांती घडवून आणली. ग्रंथालय विज्ञानातील त्यांच्या अमूल्य योगदानासाठी भारत सरकारने १९५७ मध्ये त्यांना पद्मश्री पुरस्काराने सन्मानित केले आहे, डॉ.एस. आर.रंगनाथन यांनी ग्रंथालय विज्ञान तत्त्वांप्रती केलेल्या समर्पणाने आधुनिक ग्रंथालयांचा पाया घातला आहे. कार्यक्रमाचे आभार प्रदर्शन सहाय्यक ग्रंथपाल सौ. प्रियंका भोलाने यांनी केले. कार्यक्रम यशस्वीतेसाठी ग्रंथपाल वैभव भोलाने, सहाय्यक ग्रंथपाल सौ. प्रियंका भोलाने, ग्रंथालय परिचर विजय राजपूत यांनी परिश्रम घेतले. राष्ट्रीय ग्रंथपाल दिनाचे औचित्य साधून डिजिटल रिसोर्सेस नवी दिल्ली यांनी आयोजित केलेल्या DELNET : Resources & Services या ऑनलाईन वेबिनारला प्राध्यापक तसेच विद्यार्थ्यांनी मोठ्या प्रमाणावर उपस्थिती नोंदविली..... 

✍️ मोहन चौकेकर