🌟राज्यातील सिख समाजाच्या उन्नतीसाठी शेर-ए-पंजाब महाराजा रणजीतसिंघजी आर्थिक विकास महामंडळ स्थापना करा....!

🌟भारतीय जनता पार्टी सिख सेलची राज्याचे मुख्यमंत्री एकनाथ शिंदे यांच्याकडे निवेदनाद्वारे मागणी🌟

 नांदेड (दि.१३ ऑगस्ट २०२४) :- राज्यातील सिख समाजाच्या आर्थिक उन्नतीसाठी राज्य सरकारने शेर-ए-पंजाब महाराजा रणजीतसिंघजी आर्थिक विकास महामंडळाची स्थापना करावी अशी मागणी भारतीय जनता पार्टी सिख सेलचे नांदेड जिल्हाध्यक्ष सरदार किरपालसिंघ हजूरीया यांनी महाराष्ट्र राज्याचे मुख्यमंत्री एकनाथ शिंदे यांच्याकडे काल मंगळवार दि.१२ ऑगस्ट २०२४ रोजी मुख्यमंत्री एकनाथ शिंदे नांदेड/हिंगोली जिल्ह्याच्या दौऱ्यावर आले असता त्याच्याकडे एका निवेदनाद्वारे केली.

महाराष्ट्र राज्याचे मुख्यमंत्री एकनाथ शिंदे काल हिंगोली येथील आमदार संतोष बांगर आयोजित 'कावड यात्रा' उत्सवा निमित्त नांदेड/हिंगोली दौऱ्यावर आले असता भारतीय जनता पार्टी सिख सेलचे नांदेड जिल्हाध्यक्ष सरदार किरपालसिंघ हजूरीया यांनी त्यांची प्रत्यक्ष भेट देऊन त्यांना दिलेल्या निवेदनात राज्यातील सिख समाजाच्या आर्थिक उन्नतीसाठी राज्य सरकारने शेर-ए-पंजाब महाराजा रणजीतसिंघजी आर्थिक विकास महामंडळाची स्थापना करण्याची मागणी सरदार किरपालसिंघ हजूरीया यांनी मुख्यमंत्र्यांना दिलेल्या निवेदनात असे नमूद केले आहे की सिख समाज हा अल्पसंख्याक समाज असून सध्या अल्पसंख्याक समाजाच्या उन्नतीसाठी सरकारने स्थापन केलेल्या मौलाना आजाद महामंडळांतर्गत अत्यल्पसंख्यांक सिख समाजाला अत्यंत कमी अनुदान दिल्या जाते त्यामुळे अल्पसंख्याक सिख समाजाच्या आर्थिक उन्नतीसाठी महाराष्ट्र सरकारने शेर-ए-पंजाब महाराजा रणजीतसिंघजी आर्थिक विकास महामंडळाची स्थापना करावी अशी मागणी करण्यात आली आहे.....