🌟परभणी मेन लायन्स क्लबने स्वतंत्र दिनानिमित्त काढली ऐतिहासिक ‘तिरंगा रॅली’ : रॅलीत लक्षवेधी एक हजार फुटी....!

🌟जिल्ह्याचे कर्तव्यदक्ष जिल्हाधिकारी रघुनाथ गावडे यांनी सपत्नीक उपस्थित राहून हिरवी झेंडा दाखवून रॅलीचे उद्घाटन केले🌟

परभणी (दि.१६ ऑगस्ट २०२४) :- भारताच्या ७८ व्या स्वातंत्र्य दिनाचे औचित्य साधून परभणी लायन्स मेनच्या वतीने गुरुवार दि.१५ ऑगस्ट रोजी ‘राष्ट्र सन्मान पथदर्शन’ व लक्षवेधी १ हजार फुटी राष्ट्रध्वजाची ऐतिहासिक‘तिरंगा रॅली’ काढण्यात आली. परभणी शहराच्या इतिहासात प्रथमच आयोजित झालेल्या या रॅली मध्ये २ हजार विद्यार्थी सहभागी झाले होते यावेळी ऐतिहासिक रॅलीला परभणी जिल्ह्याचे कर्तव्यदक्ष जिल्हाधिकारी रघुनाथ गावडे यांनी सपत्नीक उपस्थित राहून हिरवी झेंडा दाखवून रॅलीचे उद्घाटन केले.

परभणी शहरातील शनिवार बाजार येथून या ऐतिहासिक रॅलीला प्रारंभ होऊन छत्रपती शिवाजी महाराज यांच्या पुतळा परिसरात रॅलीचा समारोप करण्यात आला.या भव्य अशा राष्ट्रीय सोहळ्यात शहरातील शाळा व महाविद्यालयाच्या विद्यार्थ्यांसोबत शाळेचे बॅनर, बॅन्ड व स्काऊट गाईड, एनसिसी गणवेशातील विद्यार्थी सहभागी झाले होते लायन्स क्लब परभणी मेनच्या वतीने सर्व सहभागी व्यक्तींना आल्पोहार व प्रमाणपत्र देण्यात आले.सोबतच सर्वात जास्त संख्येने सहभाग, सर्वोत्कृष्ट सादरीकरण व सर्वोत्कृष्ट बॅन्ड असे तीन पारितोषिके देण्यात आली.सदरील रॅली मध्ये ॲड. अशोक सोनी, डॉ. श्रीकांत मणियार, रिजन चेअर पर्सन प्रिया ठाकूर, झोन चेअर पर्सन तुषार मराठे, डॉ. प्रविण धाडवे, लायन्स क्लब प्रिन्सचे उल्हास नाव्हेकर व विद्यार्थी, पालक, नागरीक, व्यापारी व सामाजिक संघटनांच्या पदाधिकार्‍यांनी यात सहभाग नोंदवला.

कार्यक्रम यशस्वीतेसाठी "राष्ट्र सन्मान" उपक्रम प्रमुख हैदरअली जीवानी, विजय श्रीमाळी, लायन्स क्लब परभणी मेनचे अध्यक्ष अरुण (अवि) टाक, सचिव  नितीन पारवेकर, कोषाध्यक्ष राहुल जैस्वाल, विजय डावरे, ला. अनिल कानसुरकर, ला. सुहास बिडकर , श्रीराम गर्जे, दिपक पाठक, शैलेश मल्होत्रा , प्यारअली लालानी, राहुल जावळे ,दिलीप चिद्रवार, अमर अग्रवाल, विशाल वटृमवार, सुशील गवते, गणेश रुद्रवार,  डॉ. विनायक कुलकर्णी, प्रकाश भेरजे, ॲड. विनय कुलकर्णी, रविकिरण शिराढोनकर, अनिल महागावकर आदींनी प्रयत्न केले......