🌟परभणी जिल्हा बंद ऐवजी काळ्या फिती लावून करणार निषेध....!

🌟महिला अत्याचार व सरकारच्या निष्क्रियते विरोधात महाविकास आघाडीने जाहीर केलेले जिल्हा बंद घेतले आंदोलन मागे🌟

परभणी (दि.२३ ऑगस्ट २०२४) :- महिला अत्याचाराच्या घटनेचा आणि राज्य सरकारच्या निष्क्रियतेविरोधात महाविकास आघाडीच्या नेतेमंडळींनी जाहीर केलेले जिल्हा बंदचे आंदोलन मागे घेतले आहे. बंद ऐवजी शनिवारी महाविकास आघाडीचे पदाधिकारी व कार्यकर्ते काळ्या फिती लावून निषेध नोंदविणार आहेत.

             महाविकास आघाडीने शनिवार २४ ऑगस्ट रोजी राज्यव्यापी बंदचे आवाहन केले होते. या पार्श्‍वभूमीवर उच्च न्यायालयाने तो बंद पूर्णतः बेकायदेशीर ठरविला. त्यामुळे महाविकास आघाडीच्या श्रेष्ठींनी राज्यव्यापी बंदचे आवाहन मागे घेतले. त्याऐवजी काळ्या फिती लावून बदलापुरातील चिमुकल्यांवरील अत्याचाराचा तसेच राज्य सरकारच्या निष्क्रियतेचा निषेध नोंदविण्याचे आवाहन केले. त्या प्रमाणे जिल्ह्यातील महाविकास आघाडीच्या नेतेमंडळींनी जिल्ह्यात शनिवारी बंद ऐवजी काळ्या फिती लावून निषेध नोंदविण्याचा निर्णय घेतला.....