🌟नांदेड येथील श्री.गुरु गोविंदसिंघजी विमानतळावर राज्याचे मुख्यमंत्री एकनाथ शिंदे यांचे जोरदार स्वागत....!

🌟यावेळी मुख्यमंत्री एकनाथ शिंदे यांनी उपस्थित मान्यवरांशी साधला संवाद : नांदेड पोलिस दलाकडून स्विकारली मानवंदना🌟 

नांदेड (दि.१२ ऑगस्ट २०२४) :- महाराष्ट्र राज्याचे मुख्यमंत्री एकनाथ शिंदे यांचे आज सोमवार दि.१२ ऑगस्ट रोजी हिंगोली येथील आमदार संतोष बांगर आयोजित भव्य कावड यात्रा कार्यक्रमास उपस्थित राहण्यासाठी आगमन झाले दुपारी ०४.०० वाजता श्री.गुरुगोविंद सिंघजी विमानतळावर त्यांचे भव्य स्वागत करण्यात आले यावेळी त्यांनी नांदेड जिल्हा पोलीस दलाकडून मानवंदना स्विकारली यावेळी उपस्थित मान्यवरांशी मुख्यमंत्री एकनाथ शिंदे यांनी संवाद देखील साधला.  

नांदेड येथील श्री गुरु गोविंदसिंघजी विमानतळावर मुख्यमंत्री एकनाथ शिंदे यांच्या स्वागतासाठी आमदार बालाजी कल्याणकर,माजी खासदार हेमंत पाटील, नांदेड परिक्षेत्राचे विशेष पोलीस उपमहानिरीक्षक शहाजी उमाप,नांदेड जिल्ह्याचे जिल्हाधिकारी अभिजीत राऊत,नांदेड जिल्हा परिषदेच्या मुख्य कार्यकारी अधिकारी मिनल करनवाल,नांदेड जिल्ह्याचे जिल्हा पोलीस अधिक्षक अबिनाश कुमार,महानगर पालिका आयुक्त डॉ. महेश डोईफोडे,अपर जिल्हाधिकारी पांडुरंग बोरगावकर आदींची आवर्जून उपस्थिती होती यावेळी नमूद मान्यवरांनी त्यांचे स्वागत केले.

मुख्यमंत्री एकनाथ शिंदे त्यानंतर नांदेड येथून मोटारीने हिंगोली शहरातील अग्रसेन चौकात आमदार संतोष बांगर आयोजित कावड यात्रेस उपस्थित राहण्यासाठी आपल्या ताफ्यासह रवाना झाले.....