🌟राज्यातील माता-भगिनींना मुख्यमंत्री माझी लाडकी बहीण योजनेची ओवाळणी दर महिन्याला मिळणारच....!

🌟योजनेत राज्यातील प्रत्येक पात्र माता भगिनींनी सहभागी व्हावे, यासाठी सरकार सर्वोतपरी प्रयत्नशील🌟 

मुख्यमंत्री मा.ना.श्री. एकनाथजी शिंदे यांच्या नेतृत्वातील ‘मुख्यमंत्री माझी लाडकी बहीण योजना’ ही अवघ्या महाराष्ट्राच्या मायभगिनींना एक नवी उमेद देणारी ठरली आहे. त्यामुळे त्यांच्या चेहऱ्यावर आनंद आणि उत्साह दिसू लागला आहे. राज्यातील प्रत्येक भगिनीला तिच्या संसारात सुख समाधानासाठी महायुती सरकारतर्फे दर महिन्याला दीड हजार रुपये देण्याची घोषणा मुख्यमंत्री एकनाथ शिंदे साहेबांनी केली. ‘मुख्यमंत्री माझी लाडकी बहीण’ योजनेत राज्यातील प्रत्येक पात्र माता भगिनींनी सहभागी व्हावे, यासाठी सरकार सर्वोतपरी प्रयत्न करीत आहे.

अर्थात सरकारला जनतेची साथ मिळत असताना ते न पाहवणारे आणि त्यामुळे उगाच विरोधाला विरोध करणारे राजकारणीही आले. अगोदर या योजनेसाठी पैसा नाही, मग ही तीन महिन्यापुरती योजना आहे. अशी सगळी कपोकल्पित राजकारणाची हाकाटी पिटवूनही जनतेने या योजनेला उदंड प्रतिसाद देत विरोधकांचा आवाज गप्प केला. त्यामुळे नाईलाजाने विरोधकांनाही लाडकी बहीण योजनेसाठी आता सरकारच्या सोबत यावे लागत आहे. मात्र दुसरीकडे सरकारला या योजनेचे श्रेय मिळू नये म्हणून न्यायालयाची पायरी चढणाऱ्या याचिकाकर्त्यांना पार तोंडावर पडण्याची वेळ आली आहे. 

राज्यातील गोरगरिब महिलांना दीड हजार रुपयांची मिळणारी ओवाळणी मिळू नये. यासाठी खालच्या स्तराचे राजकारण विरोधकांकडून केले जात होते. पण ही याचिका कोर्टाने फेटाळली असून सरकारच्या धोरणात कोणताही हस्तक्षेप करता येणार नाही, असं स्पष्ट केलं आहे. लाडकी बहीण योजनेला मुंबई उच्च न्यायालयात आव्हान देण्यात आलं होतं. न्यायालयाने याचिका फेटाळत महायुती सरकारला दिलासा दिला आहे. राज्यातील स्त्री शक्तीला वंदन करणारा हा निर्णय सत्याचा विजय मानला जात आहे आणि त्याचवेळी विरोधकांना त्यांची राज्याच्या राजकारणातील जागा दाखवणारा ठरला आहे......