🌟रुग्णमित्र परिवाराची सहस्त्रकुंडला सहल 60 कुटूंब एकत्र....!

🌟निसर्ग सौंदर्याचा आनंद आणि अनुभवाचे आदान प्रदान🌟

परभणी (दि.28 ऑगस्ट 2024) : श्रावण महिन्यातील निसर्ग सौंदर्याचा आनंद लुटावा तसेच आपआपल्या अनुभवांचे आदान - प्रदान व्हावे, या दृष्टीने किनवट, नांदेड, हिंगोली व परभणी या भागातील रुग्णमित्र परिवाराच्या वतीने सहस्त्रकुंडला सहकुटूंब सहल आयोजित करण्यात आली होती.

             लोकसेवा मंडळाच्या माध्यमातून रुग्णमित्र मागील दोन वर्षापासून मराठवाडा व खानदेशातील जिल्हा शासकीय रुग्णालयात रुग्णसेवेत कार्यरत आहेत. यात जिल्हा शासकीय रुग्णालयात येणार्‍या रुग्णांना नाव नोंदणी कुठे करावी, कोणता ओपीडी नंबर कुठे, कोणती तपासणी कुठे होते, कोणते डॉक्टर कुठे भेटतात, कोणाला रक्ताची गरज आहे का,  कोणाला ऑपरेशन साठी मदत करता येईल का, कोणाला भोजनाची व्यवस्था करता येईल का, अशा अनेक प्रकारचे मार्गदर्शन रुग्णमित्रांद्वारे होत आले आहे.

              या रुग्णमित्र परिवाराच्या वतीने श्रावण महिन्याचे औचित्य साधून 25 ऑगस्ट रोजी श्रावण महिन्यातील निसर्गसौंदर्याचा आनंद घेण्यासाठी तसेच आपापल्या अनुभवांचे आदानप्रदान करण्यासाठी किनवट, नांदेड, हिंगोली व परभणी या भागातील 60 च्यावर रुग्णमित्र सहकुटुंब सहस्त्रकुंडला एकत्र आले होते. याप्रसंगी प्रसिध्द बालरोग तज्ञ तथा रुग्णमित्र परिवाराचे देवगिरी प्रांत प्रमुख डॉ. सुभाषजी जोशी,  रामदासजी निकम, श्रीमंगले यांची विशेष उपस्थिती होती. या मान्यवरांचे परिवारास मार्गदर्शन लाभले.

            यावेळी सरकारी रुग्णालयात येणार्‍या रुग्णांना निःस्वार्थ मदत करण्याविषयी, रक्तदात्यांची सूची तयार करण्याविषयी, तसेच आंतररुग्णांना मदत करण्याविषयी, ज्या रुग्णांना पुढील उपचारांची गरज आहे त्यांना ते उपचार मिळण्यासाठी काय करता येईल याबद्दल चर्चा करण्यात आली. किनवट मधून डॉ. अशोक चिन्नावार, दिगंबर मुंढे, दिलभर भदाणे, कपिल कांबळे व इतर, नांदेड मधून सुधाकर थिटे, साईनाथ वैजवाडे, राजेश गंधपवाड, श्री गंगाधर यमेवार व इतर, हिंगोलीतून साहेबराव बांगर, गुलाबराव घुगे, मनोहर पोपळाईत, सुरेश चिटकरे व इतर परभणी येथून हनुमानदास वैष्णव (जिल्हा समन्वयक),  शिवलिंग आप्पा खापरे (रुग्णमित्र पालक जि. परभणी), दीपक स्वामी (समन्वयक जि.परभणी),  राजु क्षीरसागर, जीवन आप्पा तरवडगे,  अरविंद राठोड, वसंत आप्पा शिराळे व सांगळे मामा आदि रुग्ण मित्राची शिबीरास उपस्थिती होती.

            डॉ. शशिकांत चिंतामणी ( देवगिरी प्रांत - रुग्णमित्र पूर्णवेळ ) यांनी या सहलीचे सर्व नियोजन केले होते, यांना श्री सत्येश्‍वर पेशवे व त्यांचे मित्र मंडळ सहस्रकुंड यांनी संपूर्ण व्यवस्था केली.......