🌟परिश्रम भवनात रंगले कविसंमेलन : साहित्यिक व लोककलावंतांचा गौरव......!

🌟या कार्यक्रमाचे उद्घाटन गडचिरोलीतील ज्येष्ठ सामाजिक कार्यकर्ते डॉ.शिवनाथजी कुंभारे यांनी दीप प्रज्वलित करून केले🌟

गडचिरोली (दि.२० नोव्हेंबर) - झाडीबोली साहित्य मंडळ जिल्हा शाखा गडचिरोलीच्या वतीने नुकतेच विदर्भ स्तरीय कविसंमेलन घेण्यात आले. तसेच झाडीपट्टीतील कवी लेखक लोककलावंताना सन्मानित करण्यात आले. 

        या कार्यक्रमाचे उद्घाटन गडचिरोलीतील ज्येष्ठ सामाजिक कार्यकर्ते डॉ.शिवनाथजी कुंभारे यांनी दीप प्रज्वलित करून केले. कार्यक्रमाच्या अध्यक्षपदी ग्रामगीताचार्य तथा ज्येष्ठ साहित्यिक बंडोपंत बोढेकर विराजमान होते. याप्रसंगी प्रमुख पाहुणेे म्हणून आरमोरी येथील नायब तहसिलदार धनंजय वाकुलकर, गडचिरोली झाडीबोली मंडळाचे अध्यक्ष तथा साहित्यिक डॉ.चंद्रकांत लेनगुरे, ग्रामीण चंद्रपूर जिल्ह्याचे अध्यक्ष तथा साहित्यिक अरूण झगडकर, मुलच्या कवयित्री शशिकला गावतुरे, भारतीय जीवन विमा निगमचे सी.एल.क्लब मेंबर दिलीप उडान, कव्वाल वामनदादा गेडाम, कवयित्री मालती सेमले विराजमान होते. मंडळाच्या वतीने मागविण्यात आलेल्या प्रस्तावातून पुढील पुस्तकांची पुरस्कारासाठी निवड करण्यात आली. त्या पुस्तकांना पुरस्कार प्रदान करण्यात आले. झाडीबोलीतील पुस्तक पुरस्कारासाठी मातीतूना अबारात 

कवी मुरलीधर खोटेले यांच्या पुस्तकास; प्रमाण मराठीतील कविता संग्रहाकरिता मौनाचे अस्तर, या पुस्तकास कवयित्री शितल कर्णेवार;

वैचारिक पुस्तकासाठी रान झुलवा या पुस्तकास लेखक पितांबर कोडापे आणि लोककलावंत पुरस्कारासाठी शाहीर लोकराम शेंडे यां चौघांना मान्यवरांच्या हस्ते शाल, श्रीफळ, गौरवचिन्ह, १००१/- रुपये रोख रक्कम प्रदान करून सन्मानित करण्यात आले.

       याप्रसंगी ३१व्या झाडी साहित्य संमेलनाच्या अध्यक्षपदी निवड झाल्याबद्दल डॉ.चंद्रकांत लेनगुरे यांचा तसेच गडचिरोलीतील ज्येष्ठ गझलकार वामनदादा गेडाम आणि कवयित्री मालती सेमले यांचा सुध्दा शाल, स्मृती चिन्ह देऊन मंडळातर्फे सत्कार करण्यात आला. सत्कारानंतर लगेच कविसंमेलन घेण्यात येऊन यात लक्ष्मण खोब्रागडे, अर्पणा नैताम, संजय कुनघाडकर, देवेंद्र मुनघाटे, अँड.संजय ठाकरे, मंदाकिनी चरडे, निधी गडकरी, संगीता गडकरी, शशिकला गावतुरे, कन्हैय्या मेश्राम, तुषार मेश्राम, पुनाजी कोटरंगे, भारत मेश्राम, प्रभाकर मेश्राम, योगेश गोहणे, सुरेखा बारसागडे, संजीव बोरकर, प्रिती चाहंदे, आनंदराव बावणे, प्रतिक्षा कोडापे, वर्षा राजगडे, पुरूषोत्तम ठाकरे, उपेन्द्र रोहणकर, डॉ.चंद्रकांत लेनगुरे, वामनदादा गेडाम, मारोती आरेवार, कमलेश झाडे, विनायक धानोरकर, डॉ.प्रवीण किलनाके इत्यादी ३६ कवींनी आपल्या कविता सादर केल्या. विविध विषयावरील कविता ऐकतांना रसिकवर्ग मंत्रमुग्ध झाला होता.

         प्रा.विनायक धानोरकर यांनी प्रास्ताविकेतून गडचिरोली झाडीबोली मंडळाने आजपर्यंत केलेल्या कार्याचा आढावा घेतला. पहिल्या सत्रातील पुरस्कार वितरण कार्यक्रमाचे सुत्रसंचालन संजीव बोरकर यांनी केले. कविसंमेलनाचे सुत्रसंचालन गझलकार मारोती आरेवार व डॉ.प्रवीण किलनाके या दोघांनी केले. तर उपस्थितांचे आभार उपेंद्र रोहणकर यांनी मानले. मंडळाचे सदस्य कमलेश झाडे, प्रतिक्षा कोडापे, पुरूषोत्तम ठाकरे, प्रेमिला अलोने, जितेंद्र रायपुरे, गजानन गेडाम यांनी कार्यक्रम यशस्वीतेसाठी परिश्रम घेतले. अशी माहिती आमच्या न्यूज नेटवर्कला श्री कृष्णकुमार गोविंदा निकोडे गुरूजींनी दिली आहे......