🌟एकात्मिक फलोत्पादन विकास महाडीबीटी पोर्टलवर अर्ज करण्याचे आवाहन...!

🌟अर्ज करण्याचे आवाहन जिल्हा अधीक्षक कृषी अधिकारी रवी हरणे यांनी केले🌟 

परभणी (दि.08 नोव्हेंबर) : एकात्मिक फलोत्पादन विकास अभियानांतर्गत सन 2023-24 अंतर्गत अनुसूचित जाती व जमाती प्रवर्गातील शेतकऱ्यांनी विविध घटकांसाठी महाडिबीटी पोर्टलवर अर्ज करण्याचे आवाहन जिल्हा अधीक्षक कृषी अधिकारी रवी हरणे यांनी केले आहे. 

एकात्मिक फलोत्पादन विकास अभियान सन 2023-24 अंतर्गत फुलपिक लागवड, मशरुम उत्पादन, हरितगृह, शेडनेट हाऊस, प्लॅस्टिक मल्चिंग, ट्रॅक्टर 20 अश्वशक्ती, शेतकरी अभ्यास दौरा, सामूहिक शेततळे, वैयक्तिक शेततळे, अस्तरीकरण, कांदाचाळ, पॅक हाऊस इत्यादी घटकासाठी अनुसूचित जातीसाठी 13.33 लाख व जमातीसाठी 10.93 लाख रुपये एवढा निधी प्राप्त झाला आहे. त्यानुसार इच्छुक शेतकऱ्यांनी महाडिबीटी पोर्टलवर  शेतकरी योजना हा पर्याय निवडून तसेच संगणक किंवा लॅपटॉप, सामुदायिक सेवा केंद्र (CSC) ग्रामपंचायतीतील संग्राम केंद्राच्या माध्यमातून अर्ज करावेत. त्यासाठी 7/12, बँक पासबुक व आधार कार्ड लिंक असलेला मोबाईल सोबत असणे आवश्यक असल्याचे जिल्हा अधीक्षक कृषी अधिकारी श्री. हरणे यांनी सांगितले आहे...... 

******