🌟परभणी जिल्हा स्थानिक गुन्हा अन्वेषण विभागाची धाडसी कामगिरी....!

🌟स्थागुशाच्या पथकाने कारचोरास घेतले अवघ्या तासभरात ताब्यात🌟

परभणी (दि.०९ ऑक्टोंबर) : परभणी जिल्ह्यातील मानवत रोड येथून चोरीस गेलेल्या कारसह संबंधित आरोपीस स्थानिक गुन्हा अन्वेषण विभागाच्या पथकाने अवघ्या एका तासाच्या आत मोठ्या शिताफीने ताब्यात घेतले.

          मानवत रोड येथील एका घरासमोरुन काल रविवार दि.०८ ऑक्टोंबर २०२३ रोजी रात्री १०-०० वाजेच्या सुमारास अज्ञात चोरट्याने एक कार लंपास केली.  तेव्हा स्थानिक गुन्हा अन्वेषण विभागाच्या पथकाला त्या गोष्टीचा सुगावा लागल्याबरोबर पथकाने तात्काळ धाव घेतली व संबंधित आरोपींनी पळविलेल्या कारसह गुन्ह्याकरीता वापरलेल्या बोलेरो जीपही ताब्यात घेतली. या बोलेरो जीपने टोचन करुन चोरलेली कार पेडगाव रस्त्याने संबंधित आरोपी भंगारखान्याकडे नेत होते. पोलिसांनी शेख इरफान उर्फ शेख पप्पु शेख जलील (रा.नुतन नगर हडको), शेख सोहेल शेख गौस (रा. धाररोड) या दोघांना अटक केले.

          पोलिस निरीक्षक वसंत चव्हाण यांच्या मार्गदर्शनाखाली अजित बिरादार, बालासाहेब तुपसुंदरे, सचिन भदर्गे, राहुल परसोडे, विलास सातपुते, रविकुमार जाधव, रंगनाथ दुधाटे, सिध्देश्‍वर  चाटे, दिलावर पठाण, विष्णू चव्हाण, नामदेव डुबे, परसराम गायकवाड, शेख रफीक, मधुकर ढवळे, निलेश परसोडे आदींनी या कारवाईत सहभाग नोंदवला.....