🌟बेरोजगारांना रोजगार उपलब्ध करून देण्याचा प्रयत्न करणं म्हणजे दिशाहीन झालेल्या तरुणाईला योग्य दिशा दाखवणे..!

🌟आ.डॉ.रत्नाकर गुट्टे बेरोजगारांना रोजगार उपलब्ध करून देण्याचा प्रामाणिक प्रयत्न करणारा जनहीवादी लोकप्रतिनिधी🌟

(परभणी जिल्ह्यातील अविकसित औद्योगिक क्षेत्र तसेच वाढती बेरोजगारी याकडे आजवर एकाही लोकप्रतिनिधीने आपले लक्ष केंद्रित केले नाही त्यामुळे संपूर्ण जिल्ह्यात बेरोजगारीचा भस्मासुर उभा टाकला व या भस्मासुराने असंख्य तरुणांच्या भविष्याची अक्षरशः वाट लावली परंतु गंगाखेड विधानसभा मतदारसंघाचे आ.डॉ.रत्नाकर गुट्टे यांनी आपल्या विधानसभा क्षेत्रातील औद्योगिक क्षेत्राच्या विकासासह वाढत्या बेरोजगारीच्या प्रश्नाला प्राथमिकता देऊन आपल्या क्षेत्राचा खऱ्या अर्थाने विकास घडवून आणण्याचा प्रामाणिक प्रयत्न केल्यामुळे अश्या प्रामाणिक लोकप्रतिनिधींच्या कर्तृत्वाची ओळख जनसामान्यांना व्हावी हाच या लेखामागील मुळ उद्देश)

✍🏻परखड सत्यता :- चौधरी दिनेश (रणजित)

परभणी जिल्ह्यातील मागील तिन/साडेतीन दशकांचा इतिहास पाहता असे निदर्शनास येते की जिल्ह्यातील जनसामान्यांच्या मतदानातून निवडून आलेल्या एकाही लोकप्रतिनिधींनी आजपर्यंत जिल्ह्यातील औद्योगिक क्षेत्राच्या विकासासह बेरोजगारी दुर करण्याच्या दृष्टीने कठोर पाऊल उचलून तरुणांच्या हाताला काम उपलब्ध करून देण्याच्या दृष्टीने उपाययोजना केल्या नाहीत परंतु गंगाखेड विधानसभा मतदार संघात निवडून आलेले राष्ट्रीय समाज पक्षाचे आमदार तथा उद्योजक डॉ.रत्नाकर गुट्टे व त्यांचे सुपुत्र तथा युवा उद्योजक सुनील रत्नाकर गुट्टे यांनी 'पिनाकी फाउंडेशनच्या' माध्यमातून आपल्या गंगाखेड विधानसभा मतदार संघातील पुर्णा/पालम/गंगाखेड या तिन्ही तालुक्यांतील बेरोजगार युवकांना रोजगार मिळवून देण्याच्या दृष्टीने रोजगार मेळाव्यांचे आयोजन करीत तरुणांमध्ये आशेचा किरण निर्माण केला आहे.

गंगाखेड विधानसभा मतदारसंघाचे लोकहितवादी आमदार डॉ.रत्नाकर गुट्टे यांचे कार्य निश्चितच उल्लेखणीय व गौरवास्पद म्हणावे लागेल ज्या परभणी जिल्ह्यात आजवर निवडून आलेल्या लोकप्रतिनिधींनी बेरोजगार तरुणांचा वापर केवळ स्वतःच्या संधीसाधू राजकारणासाठी करुन घेतला त्याच परभणी जिल्ह्यातील गंगाखेड विधानसभा मतदार संघात अगदी निस्वार्थपणे तरुणांच्या भविष्यासाठी उद्योग क्षेत्राच्या विकासासह तरुणांना रोजगाराची संधी उपलब्ध करून देण्यासाठी धडपडणारा आ.डॉ.गुट्टे यांच्या सारखा एक लोकप्रतिनिधी असेल यावर इतर जिल्ह्यांतील लोकांचा निश्चितच विश्वास बसणार नाही 'जगात जर्मनी भारतात परभणी' या वाक्याचा सातत्याने प्रयोग करीत जनसामांन्यांना भ्रमिष्ट करण्यापलीकडे आजवरच्या लोकप्रतिनिधींनी केले तरी काय ? असा प्रश्न उपस्थित होणे साहजिकच म्हणावं लागेल परभणी जिल्ह्यासह जिल्ह्यातील प्रत्येक तालुक्यात औद्योगिक क्षेत्रांच्या विकासाला चालना देवून तरुणांना रोजगार उपलब्ध करुन दिल्यास पक्षासाठी रात्रंदिवस राबराब राबण्यासाठी,सभा/मेळाव्यांप्रसंगी सतरंज्या उचलण्यासाठी,पक्षांचे झेंडे लावण्यासाठी,आंदोलनावेळी रस्त्यावर उतरुन गदारोळ माजवण्यासाठी विरोधकांवर दडपशाही करीत शासकीय विकासकामं तसेच शासकीय गौण खनिज रेतींची टेंडर प्राप्त करण्यासाठी हाक देताच कार्यकर्ते उपलब्ध होणार तरी कसे ? त्यामुळे उगाच औद्योगिक क्षेत्राच्या विकासासह बेरोजगारी दुर करण्याचा उठाठेव करायचा कशाला ? अशी संकुचित मनोवृत्ती असलेले लोकप्रतिनिधी जिल्ह्यातील मतदारांनी केवळ धार्मिक भावनांच्या आहारी जाऊन निवडून दिल्यामुळे जिल्ह्यातील प्रत्येक तालुक्यात बेरोजगारीचा भस्मासुर नग्न तांडव करतांना आजवर पाहावयास मिळाला त्यामुळे असंख्य तरुणांचे भविष्य अक्षरशः उध्वस्त झाले अनेक तरुणांनी बेरोजगारीला पर्याय म्हणून बेकायदेशीर व्यवसायांकडे आपला मोर्चा वळवला त्यामुळे संपूर्ण जिल्ह्यात मोठ्या प्रमाणात अवैध देशी/विदेशी बनावट केमिकल युक्त दारू/सिंधी तस्करीसह विक्री,प्रतिबंधित विषारी तंबाखूजन्य पदार्थ गुटखा तस्कारीसह विक्री,गांजासह विविध नशील्या पदार्थांची विक्री,अवैध गौण खनिज रेतीचे मोठ्या प्रमाणात अवैध उत्खनन व हजारो वाहनांतून तस्करी असे उपद्रवी उद्योग वाढल्यामुळे सर्वत्र निर्माण झालेल्या टोळ्यांमुळे गुन्हेगारीचे प्रमाण वाढतांना पाहावयास मिळत आहे.

परभणी जिल्ह्यातील या परिस्थितीचे गांभीर्य ओळखूनच कदाचित उद्योग क्षेत्राचे संपूर्ण ज्ञान असलेल्या आमदार डॉ.रत्नाकर गुट्टे यांनी आपल्या गंगाखेड विधानसभा मतदारसंघात प्रथमतः गंगाखेड शुगर्स या कारखान्याची उभारणी करुन तरुणांच्या हाताला काम मिळवून दिले यानंतर मागील सन २०१९ च्या विधानसभा निवडणुकीत परभणी जिल्हा कारागृहात असताना विधानसभेची निवडणूक लढवून ऐतिहासिक विजय प्राप्त केला स्वतःच्या स्वार्थापोटी निरपराध कार्यकर्त्यांना गुन्हेगारीकडे वळवणारे लोकप्रतिनिधी आणि कार्यकर्त्यांसह आपल्या मतदार क्षेत्रातील बेरोजगार तरुणांना रोजगार उपलब्ध करुन देण्याचा प्रामाणिक प्रयत्न करणारे लोकप्रतिनिधी कसें असतात हे आमदार डॉ.गुट्टे यांनी आपल्या कर्तृत्वातून सिंध्द केले असे म्हणने चुकीचे ठरणार नाही.

आमदार डॉ.रत्नाकर गुट्टे यांच्या मार्गदर्शनाखाली त्यांचे सुपुत्र तथा युवा उद्योजक सुनील गुट्टे यांनी पिनाकी फाऊंडेशनतर्फे आपल्या गंगाखेड मतदारसंघात गंगाखेड आणि पूर्णा या ठिकाणी महाराष्ट्र राज्यातील सर्वात मोठ्या अशा भव्य रोजगार मेळाव्याचे आयोजन केले आहे दि.०४ नोव्हेंबर रोजी पूर्णा व दि.०५ नोव्हेंबर २०२३ रोजी गंगाखेड येथे करण्यात आले आहे आपल्या मतदार संघातील बेरोजगार तरुणांना स्वावलंबी बनविण्यासाठी प्रामाणिकपणे प्रयत्न करणारा एक निस्वार्थ जनहीवादी लोकप्रतिनिधी म्हणून आमदार डॉ.रत्नाकर गुट्टे यांच्याकडे बघितले जात आहे......