🌟पुर्णा तालुक्यात मराठा योध्दा मनोज जरांगे पाटील यांच्या समर्थनार्थ सकल मराठा समाज एकवटला...!

🌟तालुक्यातील पिंपळगाव भत्या गावासह परिसरातील सकल मराठा समाज बांधवांनी काढला तहसिल कार्यालयावर मोर्चा🌟 

पुर्णा (दि.३० ऑक्टोंबर) - पोलादाचे बाहू आमचे सह्याद्रीची छाती....मराठ्यांना आरक्षण द्या,नाहीतर करू तुमची माती.....एक मराठा लाख मराठा...आरक्षण आमच्या हक्काचे नाही कुणाच्या बापाचे....क्रांतिकारी मराठा योध्दा मनोज जरांगे पाटील या निस्वार्थ आधुनिक क्रांतिकारकाने मराठा समाजाच्या भावी पिढीच्या उज्वल भविष्यासाठी आपले संपूर्ण आयुष्य पणाला लावून क्रांतीचे रणशिंग फुंकल्यावर मग मराठा समाज कसा स्वस्थ राहील...मराठा योध्दा मनोज जरांगे पाटील यांना खंबीर पाठबळ म्हणून परभणी जिल्ह्यातील पुर्णा तालुक्यातला सकल मराठा समाज देखील एकवटला असून शहरासह ग्रामीण भागातील देखील मराठा समाज साखळी उपोषण.....आमरण उपोषण....कॅण्डल मार्च....मोर्चे आंदोलन करुन मराठा योध्दा मनोज जरांगे पाटील यांना पाठबळ देतांना पाहावयास मिळत आहे.

पुर्णा शहरातील शिवतीर्थावरील छत्रपती शिवाजी महाराज यांच्या स्मारका समोर मराठा योध्दा मनोज जरांगे पाटील यांच्या आमरण उपोषण आंदोलनाला पाठिंबा म्हणून सकल मराठा समाजाच्या वतीने मागील सहा दिवसांपासून साखळी उपोषणाला सुरुवात करण्यात आली असून या साखळी उपोषणात दररोज एका गावातील सकल मराठा समाज बांधव आपला सहभाग नोंदवून सामाजिक बांधिलकीचे नाते जोपासत असून आज सोमवार दि.३० ऑक्टोंबर २०२३ रोजी पुर्णा तालुक्यातील मौ.पिंपळा भत्या येथील सकल मराठा समाज बांधवांनी मराठा समाजाला आरक्षण मिळावे यासाठी आमरण उपोषणाला बसलेले क्रांतिकारी मराठा योध्दा मनोज जरांगे पाटील यांच्या उपोषण आंदोलनाला पाठिंबा म्हणून गावात आमरण उपोषणासह

पिंपळा भत्या ते चुडावा व चुडावा ते पुर्णा तहसिल कार्यालय असा पायी भव्य मोर्चा काढून मराठा समाजाला सरसकट कुणबी प्रमाणपत्र देण्यात यावे, मराठा समाजाला ओबीसी प्रवर्गातून आरक्षण देण्यात यावे,ओबीसी प्रवर्गासाठी लागू असलेल्या सर्व सवलती मराठा समाजाला लागू करण्यात याव्यात, मराठा आंदोलकांवरील सर्व गुन्हें मागे घेण्यात यावे असे  निवेदन सकल मराठा समाजाच्या वतीने चुडावा पोलीस स्थानकासह पुर्णेचे तहसीलदार माधवराव बोथीकर यांना देखील देण्यात आले या भव्य मोर्चात असंख्य माता-भगिनींसह अबालवृद्ध तसेच मराठा तरुण बांधवांनी सहभाग नोंदवला....