🌟वाशिम येथे नवीन पोलीस मुख्यालय फिट राईझ ७५ फिटनेस प्रोग्राम अंतर्गत ‘मिनी मॅरेथॉन’ स्पर्धा संपन्न....!

🌟पोलीस अधीक्षक बच्चन सिंह (IPS) यांच्या मार्गदर्शनाखाली स्पर्धा संपन्न🌟

फुलचंद भगत

वाशिम:-दि.२७.१०.२०२३ रोजी सकाळी ०९.४५ वाजता अमित शहा, केंद्रीय गृहमंत्री, भारत सरकार यांच्याहस्ते एस.व्ही.पी.-एन.पी.ए., हैदराबाद यांचेद्वारे आयोजित ‘फिट राईझ ७५ फिटनेस प्रोग्राम’चा उद्घाटन समारंभ पार पडला. सदर कार्यक्रमानिमित्त वाशिम पोलीस दलातील पोलीस अधिकारी/अंमलदार व त्यांच्या कुटुंबियांसाठी तसेच विद्यार्थ्यांसाठी फिट राईझ ७५ ‘मिनी मॅरेथॉन’ स्पर्धेचे आयोजन करण्यात आले होते.

          शारीरिक सुदृढता हा सजग मनाचा पाया असून पोलीस दलामध्ये कर्तव्य बजावत असणाऱ्या पोलीस अधिकारी/अंमलदार व त्यांच्या कुटुंबियांच्या शारीरिक व मानसिक स्वास्थाच्या सुदृढतेसाठी व हैदराबाद येथील सरदार वल्लभभाई पटेल राष्ट्रीय पोलीस अकादमीच्या ७५ व्या वर्धापन दिनानिमित्त ‘फिट राईझ ७५ फिटनेस प्रोग्राम’ सुरु करण्यात आला आहे. त्यानिमित्ताने पोलीस अधीक्षक बच्चन सिंह (IPS) यांच्या मार्गदर्शनाखाली वाशिम पोलीस दलातील पोलीस अधिकारी/अंमलदार व त्यांच्या कुटुंबियांसाठी तसेच विद्यार्थ्यांसाठी फिट राईझ ७५ ‘मिनी मॅरेथॉन’ स्पर्धेचे आयोजन करण्यात आले होते. यावेळी उपस्थित स्पर्धकांना पी.आर.व्हॅनद्वारे केंद्रीय गृहमंत्री अमित शहा यांचे संबोधन दाखविण्यात आले. त्यानंतर पोलीस अधीक्षक बच्चन सिंह (IPS) यांच्याहस्ते हिरवा फ्लॅग दाखवून ‘मिनी मॅरेथॉन’ स्पर्धेला सुरुवात करण्यात आली. स्पर्धेची सांगता अल्पोपहार व शेवटी राष्ट्रगीताने करण्यात आली. सदर स्पर्धेमध्ये वाशिम पोलीस दलातील ३५० पेक्षा जास्त पोलीस अधिकारी/अंमलदार व त्यांच्या कुटुंबिय तसेच विद्यार्थ्यांनी उत्स्फुर्तपणे सहभाग नोंदविला होता.

          सदर कार्यक्रम पोलीस अधीक्षक बच्चन सिंह (IPS), अपर पोलीस अधीक्षक भारत तांगडे, उपविभागीय पोलीस अधिकारी - वाशिम, मंगरूळपीर, कारंजा, पोलीस स्टेशन प्रभारी अधिकारी, पोलीस अधिकारी/अंमलदार व त्यांच्या कुटुंबियांच्या उपस्थितीत पार पडला.

प्रतिनीधी:-फुलचंद भगत

मंगरुळपीर/वाशिम