🌟परभणी येथे डॉ.ए.पी.जे.अब्दुल कलाम इंटरनॅशनल फाउंडेशनतर्फे स्टेम,रोबोटीक्सची राष्ट्रीय परिषद....!

🌟डॉ.ए.पी.जे.अब्दुल कलाम यांच्या नातवांची उपस्थिती : दिडशेवर संघ सहभागी होणार🌟

परभणी : डॉ.ए.पी.जे.अब्दुल कलाम इंटरनॅशनल फाउंडेशनतर्फे स्टेम आणि रोबोटीक्स या तंत्रज्ञानावर श्री. शिवाजी अभियांत्रिकी महाविद्यालय, परभणी येथे उद्या शुक्रवार दि.06 ऑक्टोंबर 2023 रोजी राष्ट्रीय टेक-एक्सलरेट 2023 या परिषदेचे आयोजन करण्यात आले आहे.कार्यक्रमाचे उद्घाटन शास्त्रज्ञ डॉ. दिलीप देशमुख (पुणे) यांच्या हस्ते होणार असून, कार्यक्रमाच्या अध्यक्षस्थानी  जिल्हाधिकारी रघुनाथ गावडे आणि  प्रमुख अतिथी पोलीस अधीक्षक श्रीमती रागसुधा आर.राहणार आहेत.  

शालेय आणि महाविद्यालयीन विद्यार्थ्यांना या उपक्रमात त्यांनी बनवलेले प्रकल्प सादर करण्याची संधी फाऊंडेशनतर्फे उपलब्ध करून देण्यात येत आहे. विद्यार्थ्यांनी स्वतःच्या नाविन्यपूर्ण संकल्पना सादर करायाच्या आहेत. विद्यार्थ्यांच्या वयानुसार तीन गट पाडण्यात आले असून, पहिल्या गटात इयत्ता 6 वी ते 8 वी मध्ये शिक्षण घेणारे उच्च प्राथमिक शाळेतील विद्यार्थी, दुसऱ्या गटात इयत्ता 9 वी ते 12 वी मध्ये शिक्षण घेणारे माध्यमिक व उच्च माध्यमिकचे विद्यार्थी, तिसरा गट हा  महाविद्यालयीन विद्यार्थ्यांचा असेल. तर चौथा गट हा विशेष श्रेणी म्हणजेच दिव्यांग विद्यार्थ्यांचा असून, त्यांच्यासाठी वयाची कोणतीही अट असणार नाही.

शिवाजी अभियांत्रिकी महाविद्यालयात होणाऱ्या या उपक्रमात महाराष्ट्र, गुजरात, मध्यप्रदेश, छत्तीसगड, तामिळनाडू, कर्नाटक येथून 150 शालेय व महाविद्यालयीन विद्यार्थ्यांनी नावनोंदणी केली आहे. अधिक माहितीसाठी मेघशाम पत्की (9890622784), मिलिंद चौधरी (9167128905), राजकुमार भांबरे (9960160951), मनिषा चौधरी (83299707042), अंजली चिंचोलीकर (7776032889), डॉ. आनंद पाथरीकर (9403688433 ) आणि प्रिया ठाकुर(9673588944) यांच्याशी संपर्क करता येईल.

या कार्यक्रमाला माजी राष्ट्रपती डॉ. ए. पी. जे. अब्दुल कलाम यांचे पणतू ए. पी. जे. एम. जे. शेख सलीम आणि ए. पी. जे. एम. जे. शेख दाऊद स्वतः उपस्थित राहणार आहेत. एस.आर.एम. विद्यापीठाचे कुलसचिव प्राध्यापक व्ही. सॅम्युअल राज, युवा वैज्ञानिक अजिंक्य कोट्टावर, एम. जी. एम. विद्यापीठाचे डीन डी. जॉन चेल्लादुराई, वसंतराव नाईक कृषी विद्यापीठाचे कुलगुरू डॉ. इंद्र मणी, मनपा आयुक्त श्रीमती तृप्ती सांडभोर, मराठी संगीतकार आणि गायक दीपक पवार, खासदार ओमराजे निंबाळकर, लेफ्ट. डॉ. सौरभ दीक्षित (इंडियन इन्स्टिट्यूट ऑफ टुरिझम आणि ट्रॅव्हल मॅनेजमेंट, ग्वाल्हेर), शिक्षणाधिकारी माधव सलगर, संजय ससाणे,  गणेश शिंदे आणि सॉफ्टसेन्स टेक्नोसॅव्ही इंडिया प्रायव्हेट लिमिटेडचे संचालक डॉ. विशाल लिचडे आदी उपस्थित राहणार आहेत.

* डॉ.ए.पी.जे.अब्दुल कलाम आंतरराष्ट्रीय कलाम फाऊंडेशन, रामेश्वरम् :

या कार्यक्रमात प्रत्येक गटातून 5 प्रकल्प निवडले जातील. या प्रकल्पांना एस. आर. एम. विद्यापीठ, हरियाणा येथे सादर करण्याची संधी मिळेल. तसेच या निवडक प्रकल्पाच्या संकल्पना शास्रज्ञ अभ्यास करून त्या विद्यार्थ्यांना पेटंट बनविण्यास मदत करतील. देशाच्या विकासात बालवैज्ञानिक त्यांची भूमिका भविष्यात पार पाडतील. हे केवळ प्रदर्शन नसून, प्रत्यक्ष बालवैज्ञानिक घडविण्याचा डॉ. ए.पी.जे. अब्दुल कलाम इंटरनॅशनल फाऊंडेशनचा हा प्रयत्न आहे. सहभागी विद्यार्थी, शिक्षक यांची निवास आणि भोजनाची व्यवस्था करण्यात आली असून, जास्तीत-जास्त शाळा-महाविद्यालयांनी सहभागी होण्याचे आवाहन करण्यात येत आहे.

हरयाणा येथील एस.आर. एम. विद्यापीठ या उपक्रमाचे प्रमुख प्रायोजक आहेत. तसेच स्टेम लर्निंग प्रायव्हेट. लिमिटेड., के. एन. पी. कॉम्पुटर इंस्टीट्यूट, शिवाजी युनिव्हर्सिटी ऑफ इंजिनीअरिंग आणि बन्सल क्लास यांच्या सहकार्याने हे फाऊंडेशन हा उपक्रम आयोजित करीत असल्याचे संचालक श्री. पाथरीकर यांनी सांगितले आहे.... 

*****