🌟परभणी जिल्ह्यातील शेतकऱ्यांनों संरक्षित पीक नुकसानीची माहिती ३० सप्टेंबरपर्यंत भरा....!

🌟कृषी विभागाचे आवाहन : प्रधानमंत्री पीक विमा योजना - २०२३🌟

परभणी,दि.२५ सप्टेंबर) : मागील ५-६ दिवसांपासून जिल्ह्यात अतिवृष्टीसदृश्य पाऊस पडत असून, ज्या भागात किंवा मंडळात या पावसामुळे पिकांचे नुकसान झाले आहे, अशा शेतकऱ्यांनी प्रधानमंत्री पीक विमा योजना खरीप हंगाम -२०२३ अंतर्गंत ३० सप्टेंबरपर्यंत संरक्षित पीक नुकसानीची माहिती ऑनलाईन किंवा जिल्हा, तालुका कृषी अधिकारी कार्यालयात जावून आवश्यक कागदपत्रांसह भरावी, असे आवाहन जिल्हा अधीक्षक कृषी अधिकारी कार्यालयाकडून करण्यात आले आहे. 

हि पिक विमा राज्य शासनाने राबविण्यासाठी दि. २६ जून २०२३ नुसार जिल्ह्यात आयसीआयसीआय लोंबार्ड जनरल इन्शुरन्स कं. लि. या विमा कंपनीकडून राबविण्यास मान्यता दिली आहे. त्यानुसार शेतकऱ्यांनी पिक विमा भरून आपले पिक संरक्षित केले आहे. परंतु मागील ४-५ दिवसापासून सततचा पाऊस व झालेल्या अतिवृष्टीमुळे शेतकऱ्यांचे मोठ्या प्रमाणात नुकसान झाले आहे. त्यानुषंगाने शेतकऱ्यांनी विमा काढलेल्या खरीप पिकांचे नुकसान झाले आहे. त्यासाठी गुगल प्ले स्टोअरवरून Crop Insurance अॅप (https://play.google.com/store/apps/details?id=in.farmguide.farmerapp.c entral) डाउनलोड करून त्यामध्ये पीक विमा संरक्षण घेतलेल्या पिकाच्या नुकसानीची माहिती स्थानिक आपत्ती अंतर्गत नुकसानग्रस्त फोटोसह अपलोड करावी किंवा 1800- 103-7712 या निशुल्क क्रमांकावर तक्रार नोंद करावी.  

शेतकऱ्यांना ऑनलाईन तक्रार नोंदवणे शक्य नाही, अशा शेतकऱ्यांनी आयसीआयसीआय लोंबार्ड जनरल इन्शुरन्स कंपनीच्या जिल्हा, तालुका कार्यालयात आवश्यक कागदपत्रांसह ही तक्रार नुकसानीची घटना घडल्यापासून 72 तासाच्या आत नुकसानीची नोंद करणे आवश्यक आहे. सध्या पिकाचे नुकसान हे अतिवृष्टी व सततच्या पावसामुळे झाले असल्याने हेच कारण नमूद करून नुकसानीची माहिती देणे आवश्यक आहे. मूग व उडीद पिकांच्या बाबतीत Crop Stage - Cut & Spread म्हणजेच पोस्ट हार्वेस्टमध्ये पीक नुकसानीची तक्रार फक्त 30 सप्टेंबरपर्यंत देऊ शकतात. त्यानंतर मूग व उडदाचा हार्वेस्टिंग कालावधी संपून जाईल व त्यानंतर आलेली प्रकार तक्रार नोंदविताना योग्य ती खरबदारी घेऊनच नुकसानग्रस्त क्षेत्राची नुकसान सूचना, तक्रार विमा कंपनीकडे नोंदवावी, असे आवाहन करण्यात आले आहे....

*****