🌟परभणी जिल्ह्यात मतदान केंद्रस्तरीय अधिकारी घरोघरी जाऊन करणार मतदार पडताळणी....!

🌟याअंतर्गत 21 जुलै ते 21 ऑगस्ट या कालावधीत मतदान केंद्रस्तरीय अधिकारी घरोघरी जाऊन करणार पडताळनी🌟

परभणी (दि.20 जुलै 2023) : जिल्ह्यातील मतदार यादी परिपूर्ण व अचूक करण्यासाठी छायाचित्रासह मतदार यादीचा संक्षिप्त पुनरिक्षण कार्यक्रम जाहीर करण्यात आला आहे. याअंतर्गत 21 जुलै ते 21 ऑगस्ट या कालावधीत मतदान केंद्रस्तरीय अधिकारी (बीएलओ) हे घरोघरी जाऊन मतदार यादीनुसार मतदारांची पडताळणी करणार असल्याची माहिती उपविभागीय अधिकारी दत्तु शेवाळे यांनी दिली आहे. 

तसेच बीएलओंच्या सहकार्याने मतदार यादीतील नाव तपासणे, नवमतदारांची नोंदणी, मतदार ओळखपत्रासोबत आधारकार्ड जोडणे, कुटूंबातील मृत व्यक्तींची नावे वगळणे, नाव पत्ता किंवा इतर तपशिलांमध्ये दूरुस्त्या करणे आणि स्थलांतर झाले असल्यास पत्ता बदलून घेणे ही कामे करण्यात येणार आहेत. जिल्ह्यातील जास्तीत-जास्त युवकांनी मतदार यादीत आपले नाव नोंदवून घेण्याचे आवाहन उपविभागीय अधिकारी दत्तु शेवाळे यांनी केले आहे.....