🌟परभणीतील कारेगाव रस्ता दुरावस्थेच्या निषेधार्थ काँग्रेस पक्षाच्या मा. नगरसेवकाने केले चक्क स्वतःचे सरन रचून आंदोलन...!

🌟मा.नगरसेवक विशाल बुधवंत यांनी देशमुख कॉर्नरवर केलेल्या अनोख्या आंदोलनाने सर्व नागरीकांचे वेधले लक्ष🌟 

परभणी (दि.०७ जुलै २०२३) : कारेगाव रस्त्याच्या दुरावस्थेच्या निषेधार्थ काँग्रेसचे माजी नगरसेवक विशाल बुधवंत यांनी आज शुक्रवार दि.०७ जुलै रोजी दुपारी देशमुख कॉर्नरवर केलेल्या अनोख्या आंदोलनाने सर्व नागरीकांचे लक्ष वेधून घेतले.

           बुधवंत यांनी कारेगाव रस्त्यावरील देशमुख कॉर्नरवरील चौकात चितेचे सरण रचून त्यावर झोपून अनोखे आंदोलन करीत संबंधित यंत्रणेचे लक्ष वेधण्याचा प्रयत्न केला. यावेळीस संतप्त कार्यकर्त्यांनी बुधवंत यांच्या समर्थनार्थ व महापालिकेच्या निषेधार्थ जोरदार घोषणाबाजी केली. त्याद्वारे आपला रोष व्यक्त केला. बुधवंत यांच्या या अनोख्या आंदोलनाचे वृत्त कळाल्याबरोबर नवामोंढा पोलिसांनी धाव घेतली. महापालिकेच्या अधिकार्‍यांना या संदर्भात कल्पना दिली. मनपाचेही काही अधिकारी-कर्मचारी या ठिकाणी धावून आले तेव्हा बुधवंत यांच्यासह अन्य संतप्त कार्यकर्त्यांनी या भयावह रस्त्याच्या अवस्थेसंदर्भात कल्पना दिली.

             दरम्यान, कारेगाव रस्ता भयावह अवस्थेत आहे. एमआयडीसीपासून उघडा महादेव ते देशमुख कॉर्नर तेथून पुढे सुपरमार्केट मार्गे देशमुख गल्ली पर्यंतच्या या भयावह रस्त्यावर शेकडो अपघात घडले असून त्यातून अनेक जायबंदी झाले आहेत. काहींचे बळी गेले आहेत, असे स्पष्ट करीत बुधवंत यांनी या रस्त्याच्या नूतनीकरणाचे काम संबंधित यंत्रणेने तातडीने सुरु करावे, अशी मागणी केली.