🌟बांधकाम अनुदानासाठी अर्ज करा....!

🌟असे आवाहन जिल्हा कृषि विभागाकडून करण्यात आले आहे🌟

परभणी (दि.२८ जुलै २०२३) : ग्राहकांना राष्ट्रीय अन्नसुरक्षा आणि कडधान्य व राष्ट्रीय खाद्यतेल अभियान २०२३-२४ अंतर्गंत गोदाम बांधकामाच्या अनुदानासाठी ३१ ऑगस्ट २०२३ पर्यंत अर्ज करण्याचे आवाहन जिल्हा कृषि विभागाकडून करण्यात आले आहे. 

जिल्हास्तरीय २५० मेट्रीक टन गोदाम बांधकाम या बाबींचे अनुक्रमे ४ व १ ( एकूण ५) भौतिक उद्दिष्ट प्राप्त झाले आहे. प्रत्यक्ष झालेल्या बांधकामाच्या ५० टक्के किंवा १२.५० लाख रुपये यापैकी जे कमी असेल अशा प्रकल्पांसाठी शरेतकरी उत्पादक संघ व शेतकरी उत्पादक कंपन्यांना गोदाम बांधकामासाठी अनुदान देण्यात येणार आहे. यासाठी ३१ ऑगस्टपर्यत तालुका कृषि अधिकारी कार्यालयाकडे प्रस्ताव पाठवावेत. याबाबत बँक कर्जाशी निगडीत असल्यामुळे अर्जदारांनी प्रस्ताव सादर करताना केंद्र शासनाच्या ग्रामीण भंडारण योजना, नाबाउर्च्या मार्गदर्शक सूचनेनुसार बँकेकडे प्रस्ताव सादर करणे आवश्यक आहे.  बँकेने हे प्रस्ताव मंजूर केल्यानंतरच संबंधित अर्जदारास अनुदान मिळणार आहे. 

तरी यासाठी इच्छुकांनी अर्ज महाराष्ट्र राज्य वखार महामंडळाच्या प्राधिकृत अधिका-याकडून अथवा सार्वजनिक विभागाच्या मान्यताप्राप्त डिझाईन्स व स्पेसिफिकेशन व खर्चाच्या अंदाजपत्रकासह गोदाम बांधकामाचा प्रस्ताव शेतकरी उत्पादक संघ व शेतकरी उत्पादक कंपनी यांनी ३१ ऑगस्टपर्यंत तालुका कृषि अधिकारी कार्यालयाकडे सादर करण्याचे आवाहन करण्यात आले आहे.....