🌟परभणी जिल्ह्य़ात ‘शासन आपल्या दारी’ उपक्रमांतर्गंत बेरोजगारांसाठी जागेवर निवड संधी....!

🌟या मोहिमेअंतर्गत जास्तीत जास्त पदांची-भरती करण्यात येणार आहे🌟

परभणी (दि.५ जुन २०२३) :  राज्य शासनाच्या जिल्हा कौशल्य विकास रोजगार व उद्योजकता मार्गदर्शन केंद्र,परभणी यांच्या विद्यमाने सुशिक्षित बेरोजगारांसाठी ‘शासन आपल्या दारी’ या अभियानांतर्गत ऑनलाईन पंडित दिनदयाळ उपाध्याय रोजगार मेळावा बुधवारी (दि.७) आयोजित करण्यात आला आहे. या मेळाव्यामध्ये विविध नामांकित उद्योजक, कंपन्या सहभाग नोंदविणार आहेत तसेच प्लेसमेंट ड्राईव्ह जागेवर निवडसंधी मोहीम राबविण्यात येणार असून, या मोहिमेअंतर्गत जास्तीत जास्त पदांची - भरती करण्यात येणार आहे.

तरी जिल्ह्यातील जास्तीत जास्त सुशिक्षित बेरोजगार उमेदवारांनी मेळाव्यात www.mahaswayam.gov.in या संकेतस्थळावर सहभाग नोंदवावा,  असे आवाहन कौशल्य विकास रोजगार व उद्योजकताचे सहायक आयुक्त प्रशांत खंदारे यांनी केले आहे.....