💥आ.संतोष बांगर अगदी कालपर्यंत उद्धव ठाकरेंच्या बाजूनं होते💥
शिवशंकर निरगुडे : हिंगोली
माजी मुख्यमंत्री उद्धव ठाकरेंना एकामागोमाग एक धक्के बसत आहेत. विधानभवनात अध्यक्षपदाची निवडणूक शिंदे गट आणि भाजपानं जिंकल्यानंतर आज मुख्यमंत्री एकनाथ शिंदे बहुमत चाचणीला सामोरे जाणार आहेत.
यातच काल रात्री नवनिर्वाचित विधानसभा अध्यक्ष राहुल नार्वेकर यांनी एकनाथ शिंदे हेच शिवसेना विधीमंडळ पक्षाचे गटनेते असल्याचं मान्य केल्याचं पत्र जारी केलं. तसंच शिवसेनेकडून प्रतोदपदी नेमण्यात आलेल्या अजय चौधरी यांची निवड रद्द केली आणि शिंदे गटातील भरत गोगावले यांची निवड योग्य ठरवली आहे. यातच आज सकाळी शिवसेनेचा आणखी एक आमदार शिंदे गटात सामील झाला आहे.
हिंगोली मतदार संघाचे शिवसेनेचे आमदार संतोष बांगर आता शिंदे गटात सामील झाले आहे. संतोष बांगर अगदी कालपर्यंत उद्धव ठाकरेंच्या बाजूनं होतं. त्यांनी काल शिंदे गटाच्या विरोधात मतदान केलं होतं. पण आज सकाळी ते ट्रायडंट हॉटेलमधून शिंदे गटाच्या बसमध्ये उपस्थित असल्याचं दिसून आलं आहे. सुत्रांनी दिलेल्या माहितीनुसार काल रात्री उशिरा संतोष बांगर आणि मुख्यमंत्री एकनाथ शिंदे यांच्यात चर्चा झाली. त्यानंतर संतोष बांगर यांनी शिंदे गटासोबत येण्याचा निर्णय घेतला असल्याचं सांगितलं जात आहे.
संतोष बांगर आता शिंदे गटात सामील झाल्यामुळे शिंदे समर्थक गटातील शिवसेना आमदारांची संख्या आता ४० वर पोहोचली आहे. विशेष म्हणजे, याच संतोष बांगर यांनी शिवसेनेच्या आमदारांनी बंडखोरी केल्यानंतर आपण कायमस्वरुपी उद्धव ठाकरेंच्याच पाठिशी उभं राहणार असल्याचं सांगत मतदार संघात जाऊन जोरदार भाषण केलं होतं. तसंच मतदार संघातील शिवसैनिकांना संबोधित करताना त्यांनी एकनाथ शिंदे आणि त्यांच्यासोबतच्या आमदारांना परतण्याचं आवाहन केलं होतं. त्यावेळी ते भावूकही झाले होते.
बंडखोर आमदारांच्या मुलांना बायका मिळणार नाहीत असे वक्तव्य करणारे कळमनुरी मतदारसंघातील बाळासाहेबांचे कट्टर शिवसैनिक मानले जाणारे आमदार संतोष बांगर यांनी केले होते आमच्या मागें ईडी लावली तर आम्ही त्याना काडी लाऊ असे वक्तव्य त्यांनी आपल्या मतदारसंघातिल जनतेला संबोधित करतांना ते म्हणाले होते मात्र आत्ता ते स्वताच मुख्यमंत्री शिंदे साहेब यांच्या गटात दाखल झाले आहेत ? त्यामुळे आत्ता शिवसैनिकामधे संभ्रम निर्माण झाला आहे ?
0 टिप्पण्या