💥जिंतूर तालुक्यातील साईनगर तांड्याची गोकर्णा राठोड सीआरपीएफ मध्ये निवड....!

💥फटाक्याची आतषबाजी व डिजेच्या तालावर नाचत गाजत गावातून तांड्या पर्यंत मिरवणूक काढण्यात आली💥

जिंतूर प्रतिनिधी /  बी.डी. रामपूरकर

जिंतूर तालुक्यातील साईनगर तांड्यांची गोकर्णा सचिन राठोड सीआरपीएफ मध्ये निवड झाली असून ११ महिन्याच्या प्रशिक्षण कालावधी पूर्ण करून आज ती साईनगर तांड्यात दाखल "झाली. यावेळी गावकऱ्यांच्या व नातेवाइकाकडून जल्लोषात स्वागत करण्यात आले. फटाक्याची आतषबाजी व डिजेच्या तालावर नाचत गाजत गावातून तांड्या पर्यंत मिरवणूक काढण्यात आली.

सविस्तर वृत्त असे की गोकर्णा परमेश्वर चव्हाण रा. वडचुना ता. औंढा जि. हिंगोली येथील असून, काही वर्षापूर्वीच तिचे लग्न साईनगर तांडा येथील सचिन प्रकाश राठोड यांच्याशी विवाह झाला. लग्न झाल्या नंतर सासरी आलेल्या गोकर्णा ने आपल्या शिक्षणाचा हट्ट सासू-सासरे यांच्या कडे धरला आणि सासू-सासऱ्यांनी क्षणाचा ही विचार न करता गोकर्णा यांना शिक्षणाची परवानगी दिली व आडोळ येथील उच्च माध्यमिक शाळेमध्ये प्रवेश करून दिला. सासू सासऱ्यांची गरीब परिस्थिती आणि त्यांनी ठेवलेला विश्वास हे सार्थ करण्यासाठी पुढे बारावीची परीक्षा दिली व त्यामध्ये चांगल्या गुणांनी पास झाली. मना मध्ये देश सेवा करण्याची जिद्द असल्याने शेता मध्ये काम करत करत आपल्या अभ्यास सुरूच ठेवला.

विशेष बाब म्हणजे गोकर्णा सचिन राठोड हिला एक तीन वर्षाचे चिमुकले बाळ आहे. गोकर्णा ही आपल्या घरी आल्यावर तिने मी सर्वप्रथम सासू सासऱ्यांना सॅल्यूट करून सासऱ्यांच्या डोक्यावर आपल्या डोक्यातील मानची वर्दी घातली. हा क्षण खूपच भावुक असल्याने उपस्थित नातेवाइक  व गांवकरी यांच्या डोळ्यामध्ये आनंदाश्रू आले. यावेळी गोकर्णा यांच्या स्वागतासाठी गोर सेनेचे अध्यक्ष तथा उपसरपंच विजय आढे, प्रकाश राठोड, अमोल जाधव , हरिदास राठोड, विनोद राठोड, विकास राठोड, कोंडीराम जाधव, बबन चव्हाण, राजू राठोड, गणेश आडे, सचिन राठोड, अविनाश आढे, पंढरीनाथ जाधव भालचंद्र राठोड सह गावातील नागरिकांची महिलांची मोठ्या संख्येने उपस्थित होती....