💥वर्षातील १२ महिने चिखलातून प्रवास करणार असही एक गाव....!

💥हिंगोली मधील ‘या’ गावात स्वातंत्र्यापासून आजपर्यंत रस्ताच नाही मुलांच्या लग्नासाठी रस्ता ठरतोय अडसर💥

 शिवशंकर निरगुडे : हिंगोली 

हिंगोली जिल्ह्यातील नरसी नामदेव येतून अवघ्या २ किलोमीटर अंतरावर असलेल्या हळदवाडी गावात जाण्यासाठी रस्ता नाही.पावसाळ्यात पावसाचे पाणी आणि उन्हाळ्यात हिवाळा आणि उन्हाळ्यात शेतकऱ्याच्या शेतातील पाणी यामुळे वर्षातील सर्व १२ महिने या नागरिकांना जीव मुठीत घेऊन प्रवास करावा लागतो.

   चिखलाने भरलेले खड्डे तुडवत प्रवास करावा लागत असल्यानं नागरिक बेजार झालेत.हिंगोली तालुक्यातील या गावच्या आजूबाजूचे खेड्या-पाड्यात अतिदुर्गम भागात सुद्धा चकचकीत रस्ते झालेत.मात्र, हिंगोली ते सेनगाव या राष्ट्रिय महामार्गापासून अवघ्या हाकेच्या अंतरावर असलेल्या हळदवाडी  गावात जाण्यासाठी स्वातंत्र्य काळापासून रस्ताच नाही.

*“सेती मालकाने पूर्ण गावाला वेठीस धरले”*

५० घरांचे हळदवाडी गाव असून ४०० च्या आसपास लोकसंख्या आहे.या गावात कुणबी, आदिवासी,बौद्ध, वारली , आदि  समाज्याची लोक राहत आहेत. गावात जाण्यासाठी नागरिक ज्या रस्त्याचा वापर करत आहेत. ती जागा एका स्वतंत्र मालकाची मालकी हक्काची असल्याने गावातील स्थानिक राजकारणामुळे तिसऱ्या पिढीपासून जागा मालकाने पूर्ण गावाला वेठीस धरले असून मालक गावात जाणारा रस्ताच करून देत नाही.

*“रस्ता व्हावा म्हणून गावकरी धोधो पावसात जिल्हाधिकारी कार्यालयासमोर उपोषणाला बसले :-

गावातील नागरिकांना गावात जाण्यासाठी रस्ता व्हावा म्हणून अनेक वर्षांपासून लोकप्रतिनिधींनी जागा मालकाशी मिटिंग करून रस्ता व्हावा यासाठी अनेक वेळ प्रयत्न केले आहेत. त्यांच्या अटी शर्यती ही मान्य केल्या आहेत.स्वतःच्या फायद्यासाठी जागा मालकाने रस्ता देण्यासाठी अनेक वेळ होकार सुद्धा दिलेला परंतु “रात गेली की बात गेली” अशी परिस्थिती निर्माण झाली आहे.

*“रस्ता नसल्यानं पाहुण्यांकडून गावातील नागरिकांना अक्षरशः शिव्या”*

गावात कुणी आजारी पडले तर मुख्य रस्त्यापर्यंत त्या रुग्णाला उचलून न्यावे लागत आहे. शाळकरी मुलांना शाळेत जातांना चिखलातून वाट काढत जावे लागत आहे,गावात मयत झाले किंवा कोणता ही कार्यक्रम असला तर त्यावेळी बाहेरील पाहुण्यांना गावापर्यंत जाण्यासाठी पायी चिखलाची वाट तुडवत जावे लागत असल्याने पाहुणे अक्षरशः गावातील नागरिकांना शिव्याच देऊन जातात.

*“हळदवाडी गावचा रस्ताही तालुक्यातील इतर गावांसारखा व्हावा”*

हळदवाडी गावातील नागरिकांना ही वाटत आहे की,आपल्या गावाचा रस्ता ही तालुक्यातील इतर गावांसारखा झाला पाहिजे, परंतु गावातील एकाच कुटुंबाने गावकऱ्यांना वेठीस धरल्यामुळे त्यांचे पूर्ण प्रयत्न निष्फळ ठरत आहेत. गावात होत असलेल्या अंतर्गत गावपातळी वरील भानगडी व गावपातळीवरील होत असलेले राजकारण या सारख्या गोष्टींमुळे पूर्ण गावाला वेठीस धरले जात आहे. स्वातंत्र्य काळापासून तालुक्यातील हळदवाडी हे गाव चकाचक रस्त्यापासून आतापर्यंत मुकले आहे.

या संदर्भात गावातील नागरिक, तरुण वर्गाने एकत्र येऊन ही लढाई लढण्यासाठी आता आम्ही लोकन्यायल्यायात जाऊन लढणार असल्याचे सांगितले आहे.गेल्या दोन दिवसात पासून गावातील महिला पुरुष लहान बालके हिंगोली जिल्हाधिकारी कार्यालयासमोर उपोषणाला बसले आहे. त्यामुळे या आंदोलनाला यश येणार का ...? हा प्रश्न आता उपस्थित झाला आहे.

* गावातील मुलांच्या लग्नासाठी रस्ता ठरते अडसर :-

गावाला दळणवळण हे अत्यंत महत्त्वाचे आणि प्रभावी साधन असते. कला जोडणारे रस्तेही गावच्या विकासाची पाळंमुळं असतात मात्र हळद वाडी या गावाला रस्ताच नसल्याने हे गाव विकासापासून दूर राहिला आहे. त्याच बरोबर आजारी व्यक्तींना रुग्णालय गाठायचं म्हटलं  चक्क खाटेवरून रुग्णालय गाठावे लागते. एवढेच नव्हे तर आता गावातील रस्ता हा मुलांच्या यासाठी अडचण ठरू लागला आहे.

*पावसाळ्यात आजारी व्यक्तींना चक्क खाटे वरून गाठाव लागत रुग्णालय :-

पावसाळ्यामध्ये रस्त्यामध्ये गुडघाभर पाणी साचत याने एखादी व्यक्ती आजारी पडल्यास तिला खाटेवरून प्रवास खरच रुग्णालय गाठावं लागतं. यापूर्वी रस्त्या अभावी उपचार न मिळाल्याने दोन व्यक्तीचा मृत्यू ही झाल्याची खंत गावकर यांनी व्यक्त केली आहे. त्यामुळे खरंच या गावकऱ्यांना हक्काचा रस्ता मिळणार का...?