💥महाराष्ट्र नवनिर्माण सेना अध्यक्ष राज ठाकरे यांचा रामजन्मभुमी अयोध्या दौरा अखेर रद्द...!


💥राज ठाकरे यांची तब्बेत ठीक नसल्याने दौरा रद्द करण्यात आल्याचं सुत्रांकडून स्पष्ट करण्यात आल💥

महाराष्ट्र नवनिर्माण सेना अध्यक्ष राज ठाकरे यांच्या रामजन्मभुमी अयोध्या दौऱ्याच्या घोषणे नंतर तापलेले राजकीय वादळ तुर्तास शमल्याचे दिसत असून उत्तर प्रदेशातील अयोध्या येथील भाजप खासदार ब्रिजभूषण यांनी राज ठाकरे जोपर्यंत उत्तर भारतीयांची जाहीर माफी मागणार नाहीत तोपर्यंत त्यांना अयोध्येत येऊ देणार नाही असी घोषणा करीत राज ठाकरे यांच्या अयोध्या दौऱ्याला जोरदार विरोध करीत मोठे आव्हान दिले होते त्यांनी दालेल्या आव्हाना नंतरही मनसे अध्यक्ष राज ठाकरे हे अयोध्या दौरा करणार होते, मात्र आज अचानक दौरा स्थगित झाल्याची माहिती खुद्द राज ठाकरे यांनीच ट्विटरवरुन दिलीय. राज यांची तब्बेत ठीक नसल्याने दौरा रद्द करण्यात आल्याचं सुत्रांकडून स्पष्ट करण्यात आलंय.

पुण्यातील सभेमध्ये आपण यावर सविस्तर बोलणार असल्याचं राज यांनी स्पष्ट केलं आहे. राज ठाकरे हे अचानक पुणे दौऱ्यावर मुंबईला परतल्यापासूनच त्यांच्या अयोध्या दौऱ्याबद्दल चर्चांना उधाण आलं होतं. अखेर आज या चर्चांना पूर्णविराम देत राज यांनी दौरा स्थगित झाल्याच्या वृत्तावर शिक्कामोर्तब केलंय.

राज ठाकरेंच्या अयोध्या दौऱ्याला भाजपा खासदार ब्रिजभूषण सिंग यांचा होता तीव्र विरोध आहे. उत्तर भारतीयांची माफी मागा आणि मगच अयोध्याला या अशी ब्रिजभूषण सिंग यांची अट आहे. मात्र आता प्रकृतीसंदर्भातील कारणामुळे तुर्तास राज यांचा हा दौरा रद्द करण्यात आलाय. याबाबत २२ ला पुण्यात होणाऱ्या सभेत राज ठाकरे भाष्य करतील भूमिका मांडतील असे संकेत राज यांनी ट्विटरवरुन पोस्ट केलेल्या पोस्टमध्ये दिलेत....

राज यांनी ‘तूर्तास अयोध्या दौरा स्थगित’ असं वाक्य असणारी पोस्ट ट्विटरवरुन केलीय. पुढे ‘महाराष्ट्र सैनिकांनो, या! यावर सविस्तर बोलूच… रविवारी दिनांक २२ मे रोजी सकाळी १० वाजता गणेश कला क्रीडा केंद्र, पुणे’ येथे असंही या पोस्टमध्ये म्हटलंय....


टिप्पणी पोस्ट करा

0 टिप्पण्या