💥यूपीएससी गुणवंत मानसीचे आमदार अंबादास दानवेनी केले अभिनंदन....!

💥यावेळी आमदार दानवे यांनी मानसीला यशोशिखर काबीज करण्याचे आशीर्वाद दिले💥

✍️ मोहन चौकेकर

औरंगाबाद /संभाजीनगर, दि. ३१ - यूपीएससी परीक्षेत ६२७ वी ऑल इंडिया रँक मिळवणारी औरंगाबादमधील ( संभाजीनगरातील ) मानसी नरेंद्र सोनवणे हिने आई-वडिलांसह शिवसेना जिल्हाप्रमुख तथा आमदार अंबादास दानवे यांची सदिच्छा भेट घेतली. यावेळी आमदार दानवे यांनी मानसीला यशोशिखर काबीज करण्याचे आशीर्वाद दिले. 

क्रांती चौकातील मध्यवर्ती सहकारी बँकेच्या इमारतीतील आमदार अंबादास दानवे यांच्या कार्यालयात मंगळवारी सकाळी मानसी सहकुटुंब सदिच्छा भेटीसाठी आली होती. आपल्या वडिलांनी पाहिलेले प्रशासकीय सेवेचे स्वप्न मानसीने पूर्ण करू केले असून आई-वडील आणि आजीला या यशाचे श्रेय दिले. भारतरत्न डॉ. बाबासाहेब आंबेडकर आणि स्त्री शिक्षणाच्या प्रणेत्या सावित्रीबाई फुले यांच्या प्रेरणेने आपण हे यश मिळवू शकले. महिलांची अधिकाधिक प्रगती करण्याचे स्वप्न महापुरुषांनी बघितले ते प्रत्यक्षात उतरत असल्याचे मानसीने या भेटीत नमूद केले. 

यावेळी मानसीची आई अर्चना सोनवणे (अकाऊंट्स विभाग, इंडियन डिफेन्स सर्व्हिसेस), वडील नरेंद्र सोनवणे (लेखाकोष विभाग) आणि बहीण जानवी सोबत होते. मानसीने संभाजीनगर शहराच्या शिरपेचात मानाचा तुरा रोवला असून शिक्षणात तसेच प्रत्येक क्षेत्रात काम करणाऱ्या मुलींसाठी प्रेरणादायी ठरल्याचे आमदार अंबादास दानवे यांनी सांगत तिच्यासह आई-वडिलांचे पुष्पगुच्छ देऊन गौरवले. यावेळी बोर्डेज करिअर ॲकॅडमी चे प्राध्यापक संतोष बोर्डे यांची उपस्थिती होती....

✍️ मोहन चौकेकर