💥परभणी जिल्हा शासकीय रुग्णालयात आज ५ संशयित दाखल,कोरोनाबाधित १० रुग्णांची प्रकृती स्थिर...!

💥जिल्ह्यात एकूण संशयित रुग्णांची संख्या २६३२ एवढी झाली💥 

परभणी (दि.२६ जुन) - जिल्हा शासकीय रुग्णालयात आज शुक्रवार दि.२६ जुन रोजी सायंकाळी ०५-०० वाजेपर्यंत एकूण ५ संशयित कोरोना रुग्ण दाखल झाले असून त्यामुळे आता जिल्ह्यात एकूण संशयित रुग्णांची संख्या २६३२ एवढी झाली आहे. संक्रमीत कक्षात १० कोरोनाबाधित रुग्ण उपचार घेत असून त्याची प्रकृती स्थिर आहे.

नांदेड व परभणी येथील प्रयोगशाळेतून गेल्या २४ तासात २ स्वॅबचे अहवाल प्राप्त झाले असून ते दोन्हीही स्वॅब निगेटीव्ह आहेत. आजपर्यंत २८३३ स्वॅब तपासणीसाठी घेण्यात आले असून त्यापैकी २६०० जणांचे स्वॅब निगेटीव्ह आले आहेत. आतापर्यंत ८० अनिर्णायक ४७ स्वॅब तपासणीस आवश्यक नसल्याचा अहवाल नांदेड येथील प्रयोग शाळेतून प्राप्त झाला आहे. जिल्ह्यात आतापर्यंत एकूण १०३ रुग्णांचे अहवाल पॉझीटीव्ह आले आहेत. त्यापैकी तीन जणांचा मृत्यू झाला.९० रुग्ण कोरोनामुक्त झाल्याने जिल्हा रुग्णालय प्रशासनाने त्या रुग्णांना डिस्चार्ज दिला.आता शासकीय रुग्णालयात १० कोरोनाबाधित रूग्ण उपचार घेत आहेत. विलगीकरण केलेल्या कक्षात १०६ रुग्ण असून विलगीकरणाचा १४ दिवसांचा कालावधी पूर्ण झालेले २५१३ एवढे व्यक्ती आहेत,अशी माहिती जिल्हाधिकारी दिपक मुगळीकर व, जिल्हा शल्यचिकित्सक डॉ.बाळासाहेब नागरगोजे यांनी दिली...