💥कोरोना पॉझिटिव्ह रुग्णाचा दुसरा स्वॅब तपासणीसाठी पाठविला...!

💥मुख्यमंत्री यांची व्हिडीओ कॉन्फरन्सव्दारे बैठक💥

             परभणी दि.26 :- जिल्ह्यातील कोरोना पॉझिटिव्ह एका रुग्णांची प्रकृती स्थिर असून या रुग्णाचा पहिला स्वॅब अहवाल परिक्षणाअंती निगेटिव्ह आला आहे. संबधित रुग्णाचा दुसरा स्वॅब घेण्यात आला असुन तो शासकीय वैद्यकीय महाविद्यालय, औरंगाबाद येथे पाठविण्यात आला आहे. अशी माहिती जिल्हा प्रशासनाकडून देण्यात आली आहे.
       रविवार दि.26 एप्रिल 2020 रोजी सांयकाळी 5 वाजता महाराष्ट्र राज्याचे मुख्यमंत्री श्री.उद्धव ठाकरे यांनी व्हिडीओ कॉन्फरन्सव्दारे आढावा बैठक घेतली. बैठकीत कोरोना आजार प्रतिबंध उपाययोजना तसेच लॉकडाऊनच्या सुधारीत एकत्रित आदेशाच्या अंमलबजावणीच्या अनुषंगाने सविस्तरपणे आढावा घेऊन योग्य त्या सुचना केल्या. या बैठकीस  जिल्हाधिकारी दी . म . मुगळीकर ,  पोलिस अधिक्षक कृष्णकांत उपाध्याय ,मुख्य कार्यकारी अधिकारी पृथ्वीराज बि . पी , महापालिका आयुक्त रमेश पवार , जिल्हा शल्य चिकित्सक डॉ . बाळासाहेब नागरगोजे , जिल्हा आरोग्य अधिकारी डॉ . शंकरराव देशमुख  आदी उपस्थित होते.
        कोरोना विषाणु संदर्भात रविवार दि.26 एप्रिल 2020 रोजी सायंकाळी ५ वाजेपर्यंत परभणी येथील जिल्हा रुग्णालयात पुर्वीचे ६४५ व  आज रोजी दाखल १६ असे एकूण ६६१ संशयितांची नोंद झालेली आहे. असे जिल्हा प्रशासनाकडून कळविण्यात आले आहे....