💥मित्रांनों शेवटी स्थानिक पातळीवर आपणच एकमेकांसाठी धावून येणार ना ?........

💥राजकीय मतभेदांना वैयक्तिक मतभेदात रुपांतर का म्हणून करायचे ?💥

सत्ता स्थापण होणार किंवा नाही होणार ? कोण कोणाला पाठींबा देणार,कोण कोणाला पाठींबा देण्याच्या नावावर भुलथापा देणार ? कोण कोणाच्या पाठीत खंजर खुपसणार हा प्रश्न राज्य स्तरावरील आहे.परंतु स्थानिक पातळीवर आम्ही वैयक्तिक संबंधात द्वेष भावना निर्माण होईपर्यत अत्यंत खालच्या पातळीवर जावून अत्यंत जहरीली टिका करीत अपशब्दांचा वापर करुन एकमेकांची मन दुःखवणे कितपत योग्य मित्रांनों राजकारणात एकेकाळचे शत्रू मित्र तर आजचे मित्र त्यांच्या सोईच्या राजकारणासाठी शत्रू होतच असतात शेवटी स्थानिक पातळीवर आम्हाला पक्षभेद बाजूला ठेवून एकत्र तर यावेच लागते ना ? राजकीय मतभेदांना वैयक्तिक मतभेदात रुपांतर का म्हणून करायचे ? आपण स्थानिक पातळीवर कितीही पक्षाशी एकनिष्ठता दाखवली तरी पण शेवटी राजकीय पुढारी कुठेतरी एकत्र येवून एकमेकांना आधार तर देणारच ना ? शेवटी सत्ता कोणत्याही पक्षाची आली तरी प्रत्येक पक्षाच्या पुढाऱ्यांची कामे तर होणारच ना ? कामे होत नाही ती सर्वसामान्यांची,सत्ता कोणत्याही पक्षाची असली तरी सर्वसामान्य कार्यकर्त्यांची अवस्था आहे तशीच राहणार ना ? आमच्या गंगाखेड विधानसभा मतदार संघात प्रत्येक पक्षातील कार्यकर्ते अत्यंत पक्षनिष्ठ आणी इमानदार असल्याचे मी छातीठोकपणे सांगू इच्छीतो परंतु त्या पक्षनिष्ठ आणी इमानदार कार्यकर्त्यांच्या इमानदारीची किंमत पुढारी तरी करतात का ? या प्रश्नाचे उत्तर शोधणेही आवश्यक आहे ना ? मित्रांनो सत्ता स्थापण होणे ना होणे हा प्रश्न राज्य पातळीवरील आहे परंतु स्थानिक पातळीवर आम्ही का म्हणून या प्रश्नावर वादळ उठवून एकमेकांच्या विरोधात शाब्दीक युध्द छेडायचे ? हा प्रकार कुठेतरी थांबायलाच हवा...

💥वास्तव - चौधरी दिनेश (रणजीत सी.)