💥डॉ बाबासाहेब आंबेडकर चळवळीतील एक धगधगता निखारा शांत झाला - प्रकाश कांबळे

💥आंबेडकरीच ळवळीचे न भरून निघणारे नुकसान झाले आहे.💥

सुमारे पन्नास वर्षांपूर्वी दलित पँथरच् एक वादळ संपूर्ण महाराष्ट्रात आणि देशात डॉ बाबासाहेब आंबेडकरांच्या विचारांनी पेटवणारा एक धगधगता निखारा राजा ढाले
आज शांत झाल्याने ,आंबेडकरी
चळवळीचे न भरून निघणारे
नुकसान झाले आहे.
    पँथर चळवळीत राजा ढाले,नामदेव ढसाळ,प्रा अरुण कांबळे, भाई संगारे,ऍड प्रतापराव
धनवे, एस एम प्रधान असे अनेक
निखारे आंबेडकर चळवळीत होते,ज्यांनी आयुष्यभर कधी पद,
प्रतिष्ठा,पैसा याचा पाठलाग केला
नाही.अन्याय अत्याचाराविरुद्ध
ते आयुष्यभर लढले.या सर्व
पँथर्स मध्ये समाजावरील होणाऱ्या अत्याचाराची प्रचंड चीड होती,ही समाजशील माणसं
स्वतःसाठी कधीच जगली नाहीत,
आयुष्यभर सामाजिक,सांस्कृतिक,धार्मिक आणि राजकीय अन्यायाविरुद्ध
नेटाने लढले.त्यात राजा ढाले हे
अग्रणी होते. त्यांची एकंदरीत
लढाई माणसाला माणसाप्रमाणे
वागू न देणाऱ्या प्रवृत्तीनविरुद्ध होती,मग अशा प्रवृत्ती समाजात असो की साहित्यात ,त्याची त्यांनी
कधीच भीडभाड ठेवली नाही।
ढाले प्रखर आंबेडकरवादी तर होतेच ,त्यांचा आंबेडकरवाद त्यांच्या प्रत्येक बाबीत स्पष्ट होत होता.त्यांची आंबेडकर वादाची
कुवत प्रचंड दांडगी होती.ते परखड बोलणारे स्पष्ट वक्ते होते.
त्यांचे व्याख्यान म्हणजे विचारांची
मेजवानीच होती,ते ही विचार
निखळ आंबेडकरवादी.त्याच्या लेखणीत आणि विचारात कधीच
तडजोड हा शब्द येऊ शकला नाही.त्यांच्या सभेला श्रोत्यांपेक्षा
पोलीसांचीच गर्दी असायची.
त्यांनी कधीच आपल्या भाषणात
कुणाची हुजरेगिरी केली नाही,
विचारांची स्पष्टता हा त्यांच्यातील
मोठा गुण होता,हिंदुत्ववादी साहित्यिक आणि त्यांचे साहित्य
यावर राजा ढाले यांनी आपल्या
लेखणीतून आणि भाषणातून
अनेकवेळा वाभाडे काढले.अशा
प्रचंड कुवतीचा स्वाभिमानी लेखक,कवि, वक्ता,नेता आता होणे नाही.
    राजा ढाले यांचा बौद्ध धम्म, बौद्ध साहित्य यांचेशी गाढा व्यासंग आणि प्रचंड अभ्यास होता.बौद्ध साहित्याच्या त्रिपीठकातील अनेक अतार्किक
बाबींची त्यांनी समीक्षा केली.
रामप्रसाद गोयंकानी सुरु केलेल्या
विपपश्यने बद्दलही त्यांनी परखडपणे लिहिले,असा लढाऊ
प्रवृत्तीचा नेता,कवि, महान साहित्यिक,थोर विचारवंत,आणि
स्वाभिमानी परखड वक्ता आज
शरीराने गेला,त्याचे मनस्वी दुःख
वाटते,पण त्यांनी साहित्यातून
व्यक्त केलेला ठेवा येणाऱ्या
पिढ्यांना दिपस्तंभाप्रमाने मार्गदर्शक ठरेल.असा विश्वास वाटतो. लाचारीने राज्य जाओ।
स्वाभिमानी राज्य राजा ढाले यांच्या विचारांचे येवो,हीच त्यांना
खरी श्रद्धांजली ठरेल।
प्रकाश कांबळे, पूर्णा जि परभणी